Գերապայծառ Այուզօ «Եղբայրութիւնը պատկանելիութիւններէն անդին»:
Վազգէն Աբարդեան - Վատիկան
Քահանայապետական միջկրօնական երխօսութեան խորհուրդի նախագահ, գերապայծառ Անճէլ Այուզօ Կիզօ հարցազրոյցի մը ընթաքին անդրադարձած է Թայլանտի մէջ Ֆրանչիսկոս Պապին եւ Պուտիստթներուն «Պատրիարքին» միջեւ կայացած հանդիպումին:
Ան ակնարկելով 50 տարի առաջ այն ժամանակուան Պուտիսթներուն Պատրիարքին ու անոր ընկերացող պատուիրակութեան մաս կազմող վանականներուն\ Վատիկանի մէջ Պօղոս Զ Պապին տուած այցելութեան ընդգծեց, որ «հանդիպումի մը գեղեցկութիւնը կրնայ ծնիլ ժառանգութենէ մը: Եւ այն ինչ, որ պատահեցաւ այսօր Թայլատնի մէջ՝ Պուտիսթներուն պատրիարքին եւ ֆրանչիսկոս Պապին միջեւ ունի այդ նոյն համը:»
Գերապայծառը ապա իր ուրախութիւնը յայտնած է Ֆրանչիսկոս Պապին եւ Պուտիսթներուն Պատրիաքին միջեւ կայացած հանդիպումի համար, նշելով որ հանդիպումի ընթացքին երկխօսութիւններուն եւ ելոյթներուն ընդմէջէն ի յայտ եկած է մէկը միւսին հանդէպ եւ աւանդութիւններուն նկատմամբ գնահատանք եւ հանդիպումի կեդրոն հանդիսացած է եղբայրութեան ճանաչումը:
Գերապայծառ Այուզօ յատկանշական նկատած է նաեւ այն իրողութիւնը, որ Պուտսիթներուն Պատրիարքը, ֆրանչիսկոս Պապը դիմաւորած է տաճարի մուտքին եւ ոչ, նստած վիճակի մէջ, ինչպէս պատահեցաւ Սուրբ Յովհաննէս Պօղոս Բ Պապին այցելութեան ժամանակ:
Գերապայծառ Կիսօ նշեց նաեւ թէ Ֆրանչիսկոս Պապը Պատրիարքին փոխանցած նուէրներու շարքին նուիրած է նաեւ Ապու Տապի մարդկային Եղբայրութեան Փաստաթուղթի օրինակ մը: «Այս ժեսթով ֆրանչիսիսկս Պապ ընդգծեց մարդկային եղբայրութեան փաստաթուղթին պատգամին կարեւորութիւնը՝ Արեւելքին մէջ խաղաղութեան եւ խաղաղ համակեցութեան տարածման համար» Ըսաւ Քահանայապետական միջկրօնական երկխօսութեան ժողովի նախագահը:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ