Սուրբ Պետրոսի մէջ եպիսկոպոսական ձեռնադրութիւն։

Ռոպէր Աթթարեան - Վատիկան

Ուրբաթ 4 հոկտեմբեր 2019-ի յետմիջօրէին՝ Վատիկանի Սուրբ Պետրոսի պազիլիքային մէջ Ֆրանչիսկոս Սրբազան Քահանայապետը եպիսկոպոսական օծում կը շնորհէ Գերապայծառ Անթուան Քամիլլերիին, Գերապայծառ Փաոլօ Ռուտելլիին եւ գերապայծառ Փաոլօ Պորճային, որոնք անցեալ 3 սեպտեմբերին առաքելական նուիրակներ նշանակուեցան Ֆրանչիսկոս Պապին կողմէ։ Անոնց հետ միասին եպիսկոպոսական օծում պիտի ընդունի նաեւ Հայր Միքայէլ Շծեռնի՝ Մարդկային Համապարփակ զարգացումի ծառայութեան գաղթականներու եւ փախստականներու բաժանմունքի ենթաքարտուղարը, որ ապա 5 հոկտեմբերին՝ Վատիկանի մէջ կայացած Կարդինալական արտակարգ համաժողովի ընթացքին, այլ 12 եպիսկոպոսներու հետ միասին պիտի ընդունի Կարդինալական աստիճանը։