Ֆրանչիսկոս Պապը Տիար Ճանլուքա Կաուցցի Պրոքքոլեթթին նշանակեց Վատիկանի ոստիկանութեան նոր հրամանատար։
Ռոպէր Աթթարեան - Վատիկան
Երեքշաբթի 15 հոկտեմբեր 2019-ին, Վատիկանի Ոստիկանութեան հրամանատար Տիար Տոմենիքօ Ճանիի ներկայացուած հրաժարականէն ետք, Ֆրանչիսկոս Սրբազան Քահանայապետը Տիար Ճանլուքա Կաուցցի Պրոքքոլեթթին նշանակեց Վատիկանի Պետութեան Ապահովական ծառայութեան, քաղաքացիական պաշտպանութեան գրասենեակի տնօրէն եւ ոստանկութեան հրամանատար։ Ան մինչեւ օրս կը վարէր Փոխ տնօրէնի եւ Փոխ հրամանատարի պաշտօնը։
Տիար Ճանլուքա Կաուցցի Պրոքքոլեթթի Ծնած է Կուպիօ 3 յունիս 1974ին, աւարտած է Հռոմի Սափիենցա համալսարանի Անվտանգութեան և պաշտպանութեան ճարտարագիտութեան մասնաճիւղը։ Ամուսնացած է եւ ունի երկու զաւակ։ Ան 1995-ին կ՛անդամակցի Վատիկանի ոստիկանութեան մարմնին եւ 1999 սկսեալ կը դառնայ Վատիկան Պետութեան ցանցային և անվտանգութեան արհեստագիտութիւններու ենթակառուցուածքներու նախագծման և զարգացման պատասխանատու։
2018-ին Ան կը դառնայ Վատիկանի Ոստիկանութեան փոխ հրամանատար։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
