Ֆրանչիսկոս Պապին 31 յուլիսի թուիթը նուիրուած Սուրբ Իգնատիոս Լոյոլային:
Յիսուսեան միաբանութեան հիմնադիր Սուրբ Իգնատիոս Լոյոլայի ծիսական տօնին առիթով, Չորեքշաբթի, 31 յուլիսին, ֆրանչիսկոս Պապ քահանայապետական թուիթերեան կայքին վրայ հրապարակեց մէկ նոր թուիթ մը: Սրբազան հայրը հրաւիրեց յիշել սուրբ Լոյոլան, նկատել տալով սուրբը երիտասարդ տարիքին փնտռած էր միայն իր անձնական փառքը, սակայն աւելի ուշ հրապուրուելով Աստուծոյ փառքէն՝ իր կեանքին իսկական իմաստը գտած է:
«Սուրբ Իգնատիոս Լոյոլան, զոր այսօր կը յիշենք, զինուորական երիտասարդ տարիքին՝ միայն իր սեփական փառքը կը փնտռէր, սակայն յետոյ, հրապուրուեցաւ Աստուծոյ Փառքէն, որ իմաստաւորեց իր կեանքը:» Գրած է Նորին Սրբութիւնը այսօրուան թուիթին մէջ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
