Որոնել

Vatican News
Ֆրանչիսկոս Պապ Ֆրանչիսկոս Պապ  (Vatican Media)

Ֆրանչիսկոս Պապ. «Ազատել կիները պոռնկութեան ստրկութենէն»:

Պոռնկութեան որեւէ ձեւ համազօր է ստրկութեան. մարդավաճարութիւնը ոճիր է գարշելի ախտ:

Ֆրանչիսկոս Սրբազան Պապը ստորագրած է «Խաչուած կիներ, մարդավաճառութեան ամօթը՝ պատմուած ճամբաներէն» գիրքի նախաբանը:
Գիրքին հեղինակն է Յովհաննէս ԻԳ Պապ հասարակութեան անդամ Հայր Ալտօ Պոնայութօ:
Նախաբանին մէջ Սրբազան Հայր գրած է թէ  «Երբ Ողորմածութեան յոբելենական տարուան ծիրէն ներս՝ ողորմածութեան ուրբաթ օր մը, Յովհաննէս Իգ հասարակութեան հիւրընկալութեան տունը մուտք գործած էր, երբեք չէր մտածեր որ հոն նուաստացուած կիներ պիտի գտնէր՝ խոցուած եւ յոգնած կիներ.« Իսկապէս խաչուած կիներ» գրած է Ան

Ապա նկատել կու տայ, որ պոռնկութենէն, մարդավաճառութենէ ազատուած կիներուն հետ հետ հանդիպումի ընթացքին  շնչած է այդ կիներուն ամբողջ վիշտը, ինչպէս նաեւ անարդարութեան եւ ընկճուածութեան հետեւանքները:

Ունկնդրէ լուրը

Վերոնշեալ գիրքին նախաբանին մէջ ֆրանչիսկոս Պապ նկատելով Յովհաննէս ԻԳ հասարակութեան հետ հանիդպումը « Հնարաւորութիւն մը ՝ վերապրելու Քրիստոսի վէրքերը» կը գրէ.

«Այդ աղքատ կիներուն յուզիչ եւ մարդկային պատմութիւնները ունկնդրելէ ետք՝ կիներ, որոնց շարքին իրենց ձեռքերուն մէջ մանուկ մը կրած կիներ, զօրաւոր իղձ մը զգացի, գրեթէ ներողութիւն խնդրելու պահանջ մը,  իրենց կրած իսկական խոշտանգումներուն համար,  պատճառուած յաճախորդներէ որոնցմէ շատեր  քրիստոնեայ կը սեպուին:»

Սրբազան Պապը հուսկ կը քաջալերէ աղօթել՝ պոռնիկութեան, մարդավաճառութեան զոհերը հիւրընկալելու համար:

Ան կը շետշէ, թէ անհատ մը,  անձ մը կարելի չէ երբեք վաճառքի առարկայ դառձնել, ապա  իր ուրախութիւնը կը յայտնէ ծանօթանալ կարենալու համար վերոնշեալ թանկարժէք հասարակութիւնը, ուր կը գործէ տարիներէ ի վեր հայր Ալտօ Պոնաույթօն որ այս վերջինը կը հետեւի Օրէսթէ Պէնզին շնորհապարգեւին: :

Նորին Սրբութիւնը  դիտել կու տայ նաեւ,  որ Յովհաննէս ԻԳ Պապ հասարակութիւնը  պատրաստակամ ըլլալէ զատ, ենթարկուած է նաեւ ոճրագործներուն սպառնանքին,  ոճրագործներ, որոնք շահագործելով աղջիկները՝ անօրէն եւ ամօթալից շահեր կը դիզեն:

Ան մաղթանք կը յայտնէ, որ սոյն գիրքը լսելի դառնայ ամենուրէք, որպէսզի  մարդավաճառութեան հիասթափ թիւերուն ետին գտնուող պատմութիւնները ճանչնալով, իրազեկ դառնանք այն իրողութեան, թէ առանց դադրեցնելու յաճախորդներու խնդրանքը, չէ կարելէ արդիւանբեր կերպովհակազդել անմեղ կեանքերուն շահագործումի եւ նուաստացումի արարքները:

Ֆրանչիսկոս Պապ կ՝ընդգծէ նաեւ, որ կաշառակերութիւնը հիւանդութիւն մըն է ու  անիկա չդադրիր մինակը,  կարիքը կայ անհատական եւ հասարակաց մակարդակի վրայ դիրքորոշումի, ի մէջ այլոց եկեղեցւոյ՝ իսկապէս օգնելու համար այդ անբախտ քոյրերուն եւ արգելք հանդիսանալու, որպէսզի  խոցուած եւ անպաշտպան արարածները թիրախ չդառնան աշխարհի անօրէնութեան:

Պոռնկութեան որեւէ ձեւ համազօր է ստրկացումի,  անիկա ոճիր մըն է ինչպէս նաեւ գարշելի ախտ,  որ կը շփոթէ սէրը՝ սեփական բնազդները յագեցնելու հետ՝ խոշտանգելով անպաշտպան կիները:

Գիրքին նախաբանին աւարտին, Ֆրանչիսկոս Պապ կը գրէ թէ մարդավաճառութիւնը հասարակաց խիղճի վէրք մըն է,  հիւանդ մտայնութիւն նկատելով  այն իրողութիւնը,  երբ կինը իբրեւ առարկայ կը շահագործուի: «Մարդկութեան հիւանդութիւն, ընկերութեան սխալ մտածումի ձեւ»:

«Աղքատ ստրուկներ ազատելը,  ողորմածութեան ժեսթ մըն է՝  բոլոր բարի կամք ունեցող մարդոց: Մարդավաճառութեան զոհերուն տառապանքի աղաղակը պէտք չէ որ անտարբեր ձգել ոչ անհատները եւ ոչ ալ հաստատութիւնները: Ոչ մէկը պէտք է իրենց երեսը անդին դարձնէ կամ ձեռքերը լուայ անմեղ արիւնէ, որ կը հոսի աշխարհի ճամբաներուն մէջ:» Գրած է ֆրանչիսկոս Պապ:

 

29/07/2019, 12:51