Ֆրանչիսկոս Պապ Պրազիլցի Քրիսթիան Մառէյը նշանակեց մամլոյ գրասենեակի փոխ տնօրէն:
Ֆրանչիսկոս Սրբազան Քահանայապետը Սուրբ Աթոռի մամլոյ գրասենեակի փոխ տնօրէն անուանեց Պրազիլցի Քրիսթիան Մառէյը:
Նորանշանակ փոխ տնօրէնուհին, ծնած է Ռիօ Տէ Ժէնէյրօ: Ան ամուսնացած է եւ ունի երկու զաւակ: 1995 թուականէն կ՝աշխատի Վատիկանի Ռատիոյ կայանէն ներս: 2018 թուականէն ապրիլ ամիսէն կը համագործակցի Ամազոնեան տարածաշրջանին եպիսկոպոսներուն սինոդին նախապատրաստական աշխատանքներուն ծիրէն ներս:
Սուրբ Աթոռի մամլոյ գրասենեակի փոխ տնօրէն անուանումի առիթով կատարած յայտարարութեան մէջ Քրիսթեան Մառէյը նշեց թէ ինք մեծ ուրախութեամբ եւ յուզումով ընկալեց սոյն անուանումը: Ան իր շնորհակալութիւն յայտնեց ֆրանչիսկոս Պապին սոյն անուանումի համար, յատուկէն այս պաշտօնին իգական սեռ ընտրելուն համար: Քրիսթիան Մառէյ շնորհակալութիւն յայտնեց Սուրբ Աթոռի հաղորդակցութեան բաժանմունքի կառավարիչին եւ բոլոր անձնակազմի անդամներուն:
Փաուլօ Ռուֆինի իր կարգին հրապարակելով յայտարարութիւն մը յայտնեց թէ Ֆրանչիսկոս Պապ, Քրիսթիան Մառէյը Սուրբ Աթոռի մամլոյ գրասենեակի իբրեւ փոխ տնօրէնուհի նշանակումով կ՝աւարտի Հաղորդակցութեան ժողովի ղեկավարութեան սահմանումը:
ֆրանչիսկոս Պապ, Սուրբ Աթոռի մամլոյ գրասենեակի փոխ տնօրէնի պաշտօնի իգական սեռի մը անուանումով, որ ունի արմատներ Պրազիլի մէջ եւ բաց հայեացք աշխարհին վրայ վկայութիւն է կազմելու խումբ մը, որ գիտէ խօսիլ ունկնդրողին լեզուն:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ