Վերջ գտաւ Ֆրանչիսկոս Պապին Ռումանիա կատարած առաքելական միջազգային ճամբորդութիւնը

Կիրակի 2 Յունիս 2019-ին, յետմիջօրէի 05.30-ին, Սիպիու Ռումանիայի քաղաքի օդակայանին մէջ, Ռումանիայի նախագահի ներկայութեամբ  կայացած հրաժեշտի պաշտօնական արարողութեան աւարտին, Ֆրանչիսկոս Սրբազան Քահանայապետը, հրաժեշտ առաւ Ռումանիայէն ու վերադարձ կատարեց դէպի Հռոմ ուր ժամանեց 18.10-ին Չամփինօ օդակայան։

Նախ քան իր նստավայր Վատիկան վերադարձը, Նորին Սրբութիւնը այցելեց Սանթա Մարիա Մաճճորէ՝ Հռոմի Տիրամօր նուիրուած աւագ տաճարը, այնտեղ սովորութեան համաձայն աղօթելով Սալուս Փոփուլի Ռոմանի Տիրամօր սրբապատկերին ոտքին, առ ի շնորհակալութիւն ճաբորդութեան յաջողութեան համար։