Հրապարակային ունկնդրութեան ընթացքին Լիպիացի Մանուկներ «Փափա Մոպիլէ»ին վրայ

Ռոպէր Աթթարեան - Վատիկան

Սուրբ Աթոռի մամլոյ գրասենեակի ժամանակաւոր տնօրէն Տիար Ալեսսանտրօ Ճիզոթթիի հրապարակած հաղորդագրութեան մը հիման վրայ կը տեղեկացուի թէ Ֆրանչիսկոս Սրբազան Քահանայապետը, չորեքշաբթի 15 մայիսի հրապարակային ունկնդրութեան սկիզբը, նախ քան «Papa Mobile»՝ քահանայապետական ինքնաշարժով հրապարակին շրջանը կատարելը, ինքնաշարժ հրաւիրեց անցեալ 29 ապրիլին  «մարդասիրական միջանցքներ» ծրագիրով ապա փոքրիկ մէկ նաւակով, Լիպիայէն Իտալիա ժամանած, 8 մանուկներ։

«Տարբեր ազգութիւններու պատկան սոյն մանուկները – Սուրիայէն, Նիճերիայէն եւ Քոնկոյէն –իրենց ընտանեկան պարագաներուն հետ միասին  առժամեայ կերպով հիւրընկալուած են  «Ռոքքա Տի Փափա» գիւղաքաղաքի «Մոնտօ Միլիորէ» կեդրոնին մէջ «Auxilium» բարեսիրական ընկերակցութեան հովանիին տակ» կը կարդանք միշտ վերոնշեալ հաղորդագրութեան մէջ