Ֆրանչիսկոս Պապ ընդունեց Ֆիրէնցէ քաղաքի հիւանդանոցի մը ղեկավարներն ու պատշօնեաները:
Վազգէն Աբարդեան - Վատիկան
Ուրբաթ, 24 մայիսին, Վատիկանի Քոնչիսթորօ անուան դահլիճէն ներս, Ֆրանչիսկոս Պապ ընդունեց Իտալիոյ Ֆիրենցէ քաղաքի Innocenti di Firenze հիւանդանոցի անդամները:
Սրբազան Հայրը ներկաներուն յանձնելէ ետք այս առթիւ պատրաստած իր գրաւոր ճառը, անոնց փոխանցեց իր սրտի խօսքը, որուն մէջ անդրադարձաւ մանուկներուն մշակոյթին մասին: Ան յիշելով Յիսուսի խօսքը « թոյլ տուէք որ մանուկները ինծը գան» յորդորեց վերադառնալ մեր մանկութեան ուղիներուն, վերստանալով մանուկի պարզութիւնը, յատկապէս մանուկներուն հիանալու, անակնալի մատնուելու կարողութիւնը դիտել տալով որ մեր Աստուածը անակնկալներուն Աստուածն է եւ սա է որ պէտք ենք սորվիլ:
Մինչ հիւանանոցի անդամներուն յաձնած գրաւոր պատագմին մէջ, ֆրանչիսկոս Պապ ողջունեց հիւանդանոցի ղեկավարներուն եւ աշխատաւորներուն շնորհիւ, 6 դարէ ի մանուկներուն ի նպաստ տարուած աշխատանքները: Ան այա յիշեց 2015ին, Ազգային եկեղեցական 5-րդ համագումարի առթիւ Ֆիրէնցէ կատարած այցելութիւնը եւ այդ համագումարին ընթացքին Ան ակնարկելով Ֆիրնենցէ Քաղաքի գեղեցկութեան, իբրեւ գեղեցկութեան տիպար ներկայացուցած իր ֆիրէնցէի Իննոչենթի հիւանդանոցը, որ դարերուն հոլովոյթին գործած է լքուած մանուկները հիւրընկալելու ի խնդիր, զանոնք հիւանդանոցի հասարակութեան գուրգուրանքի եւ խնամքի տակ առնելով:
Նորին Սրբութիւն յիշեց հիւանդանոցի բարերար Ֆրանչեսքոն Տաթինի որուն նիւթական վաստակին շնորհիւ ծնունդ առած է հիւանդանոցը: Ան ապա յարեց , որ ժամանակից տնտեսական աշխարհի բարոյական եւ ընկերային պատաստխանութինը՝ մեծ արժէք կը ներկայացնէ կառուցելու համար աւելի արդար եւ զօրեղ ընկերութիւն մը:
Ֆրանչիսկոս Պապ յիշեց հիւանդանոցի ճարտարապետը՝ Ֆիլիփփօ Պրունելլսքին որ նաեւ գեղեցիկ եկեղեցիներուն ճարտարպետը եղած է ինչպէս՝ աշխարհը հիացնող Santa Maria del Fiore տաճարի գմբէթին ճարտարապետը: Ըսաւ Ֆրանչիսկոս Պապ ապա բարձրօրէն գնահատեց հիւանդանոցի մանուկներու արժանավայել կերպով աճելու հոգ տարած աշխատանքները, անհրաժեշտ եւ հրամայական նկատելով աղքատ, դիւրաբեկ մանուկներուն մեր լաւագոյն շնորհելու ջանքերը:
«Իննոչէնթի հիւանդանոցը, պատմութիւններուն վայր մըն է- փոքրիկ սակայն հմայիչ պատմութիւններ: Հարիւր հազարաւոր մանուկներուն պատմութիւնները: ըսաւ Ֆրանչիսկոս Պապ ան ապա շեշտեց որ այսօր ոչ մէկ մայր իրենց զաւակները լքելու պայմաններուն մէջ պէտք է գտնուի: Կարիքը կայ կառոյցներու, հիւրընկալութեան ուղիներու- որոնց մէջ մանուկները միշտ պաշտպանուած կը զգան : ըսաւ Ֆրանչիսկոս Պապ ներկայացնելով իբրեւ տիպար Իննոչէթնի հիւանդանոցը, իր դարաւոր եւ հազարաւոր մանուկներուն պատմութեամբ:
ֆրանչիսկոս Պապ դարձեալ շնորհակալութիւն յայտնելով հիւանդանոցի ղեկավարներուն, աշխատաւորներուն, առաքելական օրհնութիւնըի շնորհեց բոլորին, խնեդրելով որ աղօթեն իրեն համար:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ