Ֆրանչիսկոս Պապին՝ ծիսական արարողութիւններու օրակարգը Մայիսէն մինչեւ Յուլիս։
Ռոպէր Աթթարեան - Վատիկան
Հինգշաբթի 2 մայիս 2019-ին Քահանայապետական ծիսական արարողութիւններու արարողապետ՝ Գեռապայծառ Կուիտօ Մարինի հրապարակեց յառաջիկայ ամիսներուն նախատեսուած Ֆրանչիսկոս Պապին գլխաւորելիք արարողութիւններու օրակարգը որոնք կը սկսին այս կիրակի՝ 5 մայիսին, Նորին Սրբութեան Պուլկարիա եւ Հիւսիսային Մակեդոնիա կատարելիք առաքելական Երրօրեայ ճամբորդութեամբ։ Սրբազան Քահանայապետը կիրակի 5 մայիսին կը մեկնի Պուլկարիա ու 7 մայիսին կ՛այցելէ Մակեդոնիան հանդիսանալով առաջին Քահանայապետը որ կ՛այցելէ Պալքանեան թերակղզիի այդ պետութիւնը։
Կիրակի 12 մայիսին Սրբազան Քահանայապետը Սուրբ Պետրոսի պազիլիքային մէջ կը գլխաւորէ Քահանայական ձեռնադրութեան արարողութիւնը ապա մայիս ամսուայ աւարտին ՝ 31 մայիսէն մինչեւ 2 յունիս 2019-ին, առաքելական ճամբորդութեամբ կը մեկնի Ռումանիա ու այս մէկը կը հանդիսանայ Ֆրանչիսկոս Պապին քահանայապետութեան 30-րդ առաքելական միջազգային ճամբորդութիւնը։
Շաբաթ 8 յունիսին Պենտեկոստէի տօնի նախօրեակին Սուրբ Պետրոսի հրապարակին վրայ նախատեսուած է Պենտեկոստէի հսկումի արարողութիւնը, մինչ կիրակի 9 Յունիսին Սրբազան Պապը Սուրբ Պետրոսի հրապարակին վրայ կը գլխաւորէ Պենտեկոստէի՝ Սուրբ Հոգւոյն գալստեան տօնի Սուրբ Պատարագը։
2019-ի Յունիսի 16-ին Նորին Սրբութիւնը հովուական այցելութիւն կը կատարէ Մարքէ Մարզի Քամերինօ եւ Սան Սեվերինօ Թեմին որ մի քանի տարիներ առաջ թիրախ եղած էր կեդրոնական Իտալիան հարուածող ուժեղ երկարաշարժին։
Յունիսի 29-ին տօնն է Սուրբ Պետրոս եւ Սուրբ Պօղոս առաքելապետերուn։ Տօնին առթիւ Սրբազան Քահանայապետը Սուրբ Պետրոսի մէջ կը գլխաւորէ Սուրբ Պատարագը որուն առթիւ կ՛օրհնէ նոր Արքեպիսկոպոսներու եւ Մետրոպոլիտներու յատկացուած Եմիփերոնները։
Երկուշաբթի 1 յուլիս 2019-ին առաքելական պալատի Քոնչիսթորօ Դահլիճին մէջ նախատեսուած է Սրբադասման Դատերու յատկացուած Ֆրանչիսկոս Սրբազան Քահանայապետի գլխաւորութեամբ Կարդինալական ընդհանուր հաւաք։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ