Որոնել

Ֆրանչիսկոս Պապը գաղթականներու հետ Ֆրանչիսկոս Պապը գաղթականներու հետ 

Ֆրանչիսկոս Պապ 15 փետրուարին պատարագ պիտի մատուցէ «Fraterna Domus di Sacrofano» կեդրոնին մէջ։

Սուրբ Պատարագով բացումը պիտի կատարէ գաղթականներու հիւրընկալութեան հայող «Վախէ ազատ» բնաբանով հաւաքին

Ռոպէր Աթթարեան - Վատիկան

«Գաղթականներու հիւրընկալութեան ուղղութեամբ իր յարատեւ ուշադրութիւնը վերահաստատելու համար Ֆրանչիսկոս Սրբազան Քահանայապետը յառաջիկայ ուրբաթ 15 փետրուարի 2019-ի յետմիջօրէի 4-ին, Հռոմի «Fraterna Domus di Sacrofano» կեդրոնին մէջ մատուցած Սուրբ Պատարագով բացումը պիտի կատարէ գաղթականներու հիւրընկալութեան հայող «Վախէ ազատ» բնաբանով հաւաքին որ կազմակերպուած է Միկրանթէս Հիմնարկի, Իտալիոյ Քարիթասի եւ Ազթալլի կեդրոնի համագործակցութեամբ 15-էն մինչեւ 17 փետրուար 2019-ին»։

Լուրը կը  հաղորդէ Սուրբ Աթոռի մամլոյ գրասենեակի ժամանակաւոր տնօրէն՝ Տիար Ալեսսանտրօ Ճիզոթթէ տեղեկացնելով  նաեւ որ «Նորին Սրբութեան վերոնշեալ կեդրոնին տուած այցելութիւնը ունի առանձնական հանգամանք ու թէ ասոր համար բացառուած է լրատուամիջոցներու մասնակցութիւնը»։

Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ

12/02/2019, 12:53