Ֆրանչիսկոս Պապին հեռագիրը Միացեալ Նահանգներու ՃորՃ Պուշի
Վազգէն Աբարդեան - Վատիկան
Միացեալ Նահանգներու 41-րդ նախագահ՝ Ճորճ Ու Պուշի մահուան առիթով, Վատիկանի Պետական քարտուղար, կարդինալ Փիեթրօ Փարոլին , Ֆրանչիսկոս Պապին անունով ցաւակցագիր մը յղած է Կալվեսթոն, Հուսթոն թեմի Արքեպիսկոպոս ՝Կարդինալ Տանիել Տի Նարտոյին: Հեռագիրին մէջ նշուած է.
Ֆրանչիկսոս Պապ իմանալով Միացեալ Նահանգներու երբեմնի նախագահ՝ Ճորճ Ու Պուշի մահուան տխուր լուրը, իր ցաւակցութիւնները կը յայտնէ ու աղօթքը կ՝ապապովէ բոլոր Պուշ ընտանիքին:
Նորին Սրբութիւնը , յանձնելով նախագահին հոգին Ամենակալ Աստուծոյ ողորմած սիրոյն, Աստուածային խաղաղութեան եւ զօրութեան օրհնութիւնները կը հայցէ նախագահին կորուստը ողբացողներուն համար:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ