Ֆրանչիսկոս Պապին նուէրները Հռոմի երկու հիւանդանոցներու:
Վազգէն Աբարդեան - Վատիկան
Ֆրանչիսկոս Սրբազան Պապը Հռոմի երկու հիւանդանոցներուն նուիրեց կանխահաս նորածին մանուկներուն աճումին օգնող՝ «արուեստական տաքութեան» գործիքներ, մին՝ «Bambin Gesù - Մանուկ Յիսուս» անուամբ հիւանդանոցին իսկ երկրորդը «Fatebenefratelli» հիւանդանոցին:
ֆրանչիսկոս Պապ յիշեալ գործիքները նուէր ստացած էր «Պայեր» դեղագործութեան ընկերութեան կողմէ՝ անցեալ 21 նոյեմբերին:
Նուէրի յանձնումի եւ օրհնութեան արարողութիւնը, Fatebenefratelli հիւանդանոցին մէջ տէղի ունեցաւ 18 նոյեմբերին,ներկայութեամբ Նորին Սրբութեան ողորմնաբաշխ ՝կարդինալ Քոնրատ Քրաժեվսքիի եւ Պայեր ընկերութեան ներկայացուցիչին:
Յայտնենք թէ Fate Bene Fratelli հիւանդանոցին մէջ ամէն տարի գրեթէ 600 նորածին մանուկներ կարիք ունին իրենց աճումին օգնող արուեստական գործիքներուն:
Իսկ Մանուկ Յիսուս հիւանդանոցին յատկացուած ֆրանչիսկոս Պապին նուէրը պիտի փոխանցուի Եթովպիայի մէկ հիւանդանոցին, Ափրիկէի մէջ կանխահաս նորածին մանուկներուն մահը հակազդելու յատուկ ծրագիրի մը ծիրէն ներս:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ