Cerca

Vatican News
Վատիկանի Պետական Պալատը Վատիկանի Պետական Պալատը 

Ֆրանչիսկոս Պապ որդեգրեց Վատիկան քաղաքի պետութեան հայող նոր օրէնք մը:

Օրէնքը ուժի մէջ պիտի մտնէ յառաջիկայ 7 յունիս 2019-ին:

Ֆրանչիսկոս Պապ յատուկ ինքնագիրով մը որդեգրեց ,Վատիկան Քաղաքի պետութեան հայող նոր օրէնք մը, որ ուժի մէջ պիտի մտնէ յառաջիկայ 7 յունիս 2019-ին:

25 նոյեմբեր 2018 թուակիր, ֆրանչիսկոս Պապին կողմէ որդեգրուած նոր օրէնքով պիտի վերակազմակերպուի Վատիկան քաղաքի պետութեան տնտեսական համակարգը , ուր սահմանուած են կարգ մը նոր կանոներ, հայող Վատիկանի քաղաքի պետութեան կառավարման։

Բացատրելով նոր օրէնքին իմաստը, որ կը փոխարինէ 2000 թուականին Սուրբ Յովհաննէս Պօղոս Բ պապին կողմէ որդեգրուած օրէնքը ֆրանչիսկոս Պապ կը յայտնէ թէ, Սուրբ Պետրոսի յաջորդը ընտրուելէ անմիջապէս ետս կարիք զգացած է վերատեսելու եւ վերակազմակերպելու Վատիկանի Քաղաքի պետութիւնը, աւելի արդիւնաբեր դարձնելու համար, Վատիկան քաղաքի Պետութեան՝ Եկեղեցւոյ մատուցած ծառայութիւնը:

Նորին Սրբութիւնը ակնարկելով նոր օրէնքի օրէնսդրական սկզբունքներուն ու համաչափերուն, կը յայտնէ թէ անոնք կը հային վատիկան քաղաքի պետութեան տնտեսութեան վերակազմակերպման, պարզումին, գործածելիութեան- թափանցիկութեան, օրէնսդրական կարգագրման ինչպէս նաեւ կազմակերպութեան ճկունութեան:

Յիշեալ օրէնքի մէջ նախատեսուած են Վատիկանի կարգ մը գործունէութիւններուն անձնակազմի թիւի կրճատումը ինչպէս նաեւ վերահսկողութեան ու տեսչութեան բաժանմունքի մը ստեղծումը։

07/12/2018, 08:51