Աղքատներուն համար նոր բուժարան մը Վատիկանի մէջ։
Բուժարանը՝ բացի աղքատներէն ու չքաւորներէն պիտի ծառայէ նաեւ Հռոմ ժամանած ուխտաւորներուն։
Ռոպէր Աթթարեան - Վատիկան
Սուրբ Ծննդեան տօնին առթիւ Քահանայապետական ողորմաբաշխութեան գրասենեակի նախաձեռնութեամբ, Ֆրանչիսկոս Պապը նոր բուժարան մը կը նուիրէ տնանկներուն եւ աղքատներուն, որ կը փոխարինէ 2016-էն ի վեր գործող՝ «Սան Մարթէն» անուամբ նախկին բուժարանը եւ որ պիտի կրէ «Ողորմութեան Մայր - Բուժարան» անունը։
Բուժարանը՝ բացի աղքատներէն ու չքաւորներէն պիտի ծառայէ նաեւ Հռոմ ժամանած ուխտաւորներուն։
Բուժարանը կը գտնուի Սուրբ Պետրոս հրապարակի «Պերնինեան» կամարներուն ներքոյ, որուն վերանորոգման աշխատանքները աւարտեցան այս օրերուն։ Բուժարանի անձնակազմը կազմուած է կամաւոր բժիշկներէ եւ հիւանդապահերէ։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
22/12/2018, 13:13
