Ֆրանչիսկոս Պապին բարեմաղթութիւնները ֆութպոլի համաշխարհային խաղերուն առթիւ։
Վազգէն Աբարդեան - Վատիկան
Չորեքշաբթի, 13 յունիս, 2018-ին, Սուրբ Պետրոսի հրապարակին վրայ շնորհած հրապարակային ընդհանուր ունկնդրութեան աւարտին, ի տես Ֆութպոլի համաշխարհային խաղերուն բացումին Ֆրանչիսկոս Պապ կոչ ուղղեց ըսելով
«Վաղը բացումը պիտի կատարուի Ռուսիոյ մէջ Ֆութպոլի համաշխարհային խաղերուն:
Կը փափաքիմ իմ յարգալիր ողջոյնս ուղղել խաղցողներուն, կազմակերպիչներուն ինչպէս նաեւ բոլոր անոնց որոնք ընկերային հաղորդամիջոցներուն միջոցաւ պիտի հետեւին այս ձեռնարկին, որ կը գերազանցէ ամէն սահման»:
«Թող որ այս կարեւոր մարզական ցոյցը՝ առիթ դառնայ մշակոյթներու, տարբեր կրօններու միջեւ երկխօսութեան ու եղբայրութեան հանդիպումի նպաստելով ազգերու միջեւ աջակցութեան ու խաղաղութեան»: ըսաւ Ֆրանչիսկոս Պապ կոչին աւարտին»:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
