Մատակասքարի մէջ երանելի կը հռչակուի աշխարհական Լուչանօ Պոթովասոա
Վազգէն Աբարդեան Վատիկան
Կիրակի 15 ապրիլ 2018-ին, Մատակասքարի Վոհիփենօ քաղաքին մէջ երանելի կը հռչակուի աշխարհական, ընտանիքի հայր, Ֆրանչիսկեաններու երրորդ կարգի միաբանութեան անդամ Լուչիանօ Պոթովասոան: Երանցման արարողութիննը կը նախագահէ Սուրբերու դատի ժողովի կառավարիչը կարդինալ Անճելօ Ամաթոն:
Լուչանօ Պոթովասնոա եղած է ուսուցիչ եւ իր բոլոր կեանքը նուիրած է մանուկներու դաստիրակութեան՝ ըլլայ կրօնաւոր, ըլլայ աշխարահական գետնի վրայ: Ան ձգտելով ապրիլ կրօնաւորական կեանք, 1940-ին, մաս կազմած է ֆրանչիսկեաներու միաբանութեան: Ապա իր նպատակը եղած է տարածել եւ ճանչցնել Ասիզացի Սուրբ Ֆրանչիսկոսի դիմագիծը, քաջալերելով հաւատացեալները մաս կազմելու Ֆրանչիսկեաններու երրորդ կարգի միաբանութեան: Լուչանօ իր առօրեայ կեանքին մէջ որդեգրած է Ֆրանչիսկեաններու շնորհապարգեւը՝ ծոմապահութեամբ ու պարզուկ հագուստներ հագնելով: Ան նահատակուած է 1947-ին Մատակասքարի մէջ յեղափոխութեան շրջանին:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ