Ֆրանչիսկոս Պապ.« աղօթենք քորոնա ժահրի հետեւանքով մահացողներուն համար»:
Վազգէն Աբարդեան - Վատիկան
Չորեքշաբթի, 18 մարտին, ֆրանչիսկոս Սրբազան Պապը Տոմուս Սանթա Մարթա Մատրան մէջ Սուրբ Պատարագը մատուցեց պսակաւոր ժահրէ վարակուած հիւանդներուն օգնութեան փութացող հիւանդապահներուն ու բժիշկներուն դիտաւորութեան: Նորին Սրբութիւնը մասնաւորապէս խնդրեց, որ աղօթենք այն բժիշկներուն եւ հիւանդապահներուն համար որոնք նեցուկ գտնուեցան հիւանդներուն, նոյնիսկ զոհելով իրենց կեանքը:
Աղօթենք զոհերուն համար անոնց որոնք ժահրի պատճառով իրենց կեանքը կորսնցուցին յատուկէն առողջապահական գործիչներուն համար, որոնք այս օրերուն իրենց կեանքը զոհեցին հիւանդներուն նեցուկ կանգնելու համար , ըսաւ Ֆրանչիսկոս Պապ:
Ան ապա այսօրուան քարոզին մէջ մեկնաբանելով օրուան սուրբ գրային ընթերցումները, ուր կը խօսուին Աստուծոյ ժողովուրդին փոխանցած օրէնքներուն մասին Ֆրանչիսկոս Պապ ընդգծեց , որ մեր Աստուածը Իր ժողովուրդին մօտիկ գտնուող Աստուած է, որ այս դժուար օրերուն մեզմէ կը խնդրէ, որ մենք եւս իրարու նեցուկ կանգնինք:
Ֆրանչիսկոս Պապ նշեց, թէ Աստուած իր ժողովուրդին պարգեւեց օրէնքը մօտիկութեան կեցուածքով, հայրական կեցուածքով, որովհետեւ Աստուած մօտիկութեան Աստուած է եւ, որ կը քալէ իր ժողովուրդին հետ:
Սրբազան Պապը ապա նկատել տուաւ, որ Սուրբ գիրքին մէջ կը տեսնենք մարդու ոչ մօտիկութեան երկու կեցուածքներ: Ադամի եւ Եւայի կեցուածքը, որոնք հեռացան Աստուծոյ մօտիկութենէն ամօթ զգալով որովհետեւ մեղանչեցին: Մեղքն է, որ մեզ կը տանի թաքնուելու եւ Աստուծոյ մօտիկութիւնը մերժելու: Ըսաւ ֆրանչիսկոս Պապ ան ապա նշեց Սուրբ Գիրքի մէջ մարդու երկրորդ կեցուածքը: Սպանութեան կեցուածքը, ինչպէս Կայէն սպանեց իր եղբայրը ըսելով «ես իմ եղբօրս պահակը չեմ:»
Ֆրանչիսկոս Պապ դիտել տուաւ որ մարդու այս երկու կեցուածքները կը վերացնեն Աստուծոյ ամէն մօտիկութիւն: Մարդն է, որկը մերժէ Աստուծոյ մօտիկութիւնը: Մեր Աստուածը մարդու մօտիկ Աստուած է, Ան մեզմէ կը խնդրէ, որ նեցուկ կանգնինք իրարու՝ նամանաւանդ այս համաճարակի տագնապի պահուն:
Մեր Աստուած մերձաւորութեան Աստուած է: Այս պատճառաւ մեկուսացուած, կղզիացած անհատներ չենք, որովհետեւ Տիրոջմէ ժառանգած ենք մերձաւորութեան ժառանգը՝այսինքն մօտիկութեան ժեսթը: Խնդրենք Տիրոջմէ իրարու նեցուկ կագնելու շնորհքը եւ երբեք մեր ձեռքերը չլաւանք Կայէնի նման:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ