Եկեղեցին այսօր փոքրութեան գովքը կը հիւսէ:
Վազգէն Աբարդեան - Վատիկան
Երեքշաբթի, 2 դեկտեմբերին, Ֆրանչիսկոս Պապ Սուրբ Պատարագ մատուցեց եւ քարոզեց Վատիկանի Տոմուս Սանթա Մարթա մատրան մէջ:
Քարոզին մէջ Նորին Սրբութիւնը անդրադարձաւ Աստուծոյ Յայտնութեան, Փրկագործութեան խորհուրդի մասին: Ան նշեց, թէ Աստուած կը յայտնուի փոքրիկ իրողութիւններուն մէջ, համեստ , խոնարհ արարքներուն մէջ: Մինչ՝ աշխարհի հզօրները կը ներկայանան իբրեւ ամենակարողներ:
Ֆրանչիսկոս Պապ ընդգծեց, որ Աստուծոյ գործերը կ՝աճին5 կը ծլին փոքրիկ սերմէ մը եւ Յիսուս Աւետարանի մէջ այս փոքրութեան մասին է, որ կը խօսի:
Ան նկատել տուաւ, որ Քրիստոնեայ հասարակութեան մը մէջ ուր՝ հաւատացեալները, քահանաները եւ եպիսկոպոսները չեն որդեգրեր փոքրութեան ուղին, այդ հասարակութիւնը քայքայումի ենթարկուած է եւ զուրէ է ապագայէ աւելցնելով, թէ պատմութեան մէջ բազմիցս անգամ ականատես եղած ենք մեծ ծրագիրներուն, ուր ուժի կիրարկումով, արշաւանելով քրիստոնեաները ինքզինքին պարտադրած են: Մինչ Աստուծոյ արքայութիւնը աճած է փոքրիկ բաներուն մէջ, կեանքի մանր սերմերուն ընդմէջ: Սուրբ Հոգին փոքրիկ բաներուն մէջն է, որ մուտք կը գործէ եւ ոչ թէ մեծ, ինքնաբաւ եւ մակերեսային իրողութիւններուն մէջ:
Ֆրանչիսկոս Պապ յիշեց Սուրբ Թովմաս Աքուինացիին խօսքը« պէտք չէ վախնալ մեծ բաներէն, պէտք է յառաջ երթալ միշտ հաշուի առնելով փոքրիկ իրողութիւնները որոնք Աստուածային են « :
Ֆրանչիսկոս Պապ քարոզը եզրափակեց ըսելով, Քրիստոնեայ մը միշտ կը սկսի փոքրիկ իրողութիւնէ: Քրիստոնեայ մը երբ՝ իր սահմանափակումներով եւ մեղքերով Աստուծոյ առջեւ փոքրիկ կը զգայ, ան յառաջ կ՝ընթանայ :
Ի վերջոյ Ֆրանչիսկոս Պապ նշեց, որ ինք շատ կը սիրէ խոստովանանքի խորհուրդ մատակարարել, նամանաւանդ փոքրիկներուն, որովհետեւ մանուկները կը խոստովանին խօսելով առարկայական, շօշափելի եւ համեստ բաներու մասին:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
