Ֆրանչիսկոս Պապ.«Մերժել Աստուծոյ անշահախնդրութիւնը բոլորիս մեղքը կը նկատուի:»
Վազգէն Աբարդեան - Վատիկան
Երեքշաբթի, 5 նոյեմբերին, Տոմուս Սանթա Մարթա մատրան մէջ մատուցած սուրբ Պատարագի ընթացքին ներկայացուցած քարոզին մէջ, ֆրանչիսկոս Պապ խօսքը կեդրոնացուց Տիրոջ անշահախնդիր հրաւէրին ընդառաջելու վրայ, նկատել տալով, որ Տիրոջ հրաւէրը անվճար է եւ ուղղուած բոլորին՝ բարիներուն եւ չարերուն:
Ան յորդորեց մենք մեզի հարց տալ, եթէ կ՝ուզենք Տիրոջ հրաւէրին ընդառաջել կամ ալ կ՝ուզենք փակուիլ մեր փոքրիկութիւններուն ներքեւ:
Ֆրանչիսկոս Պապ մեկնաբանեց օրուան աւետարանական ընթերցումը, քաղուած Ղուկասի աւետարանիչէն, ուր կը պատմուի թէ Տէրը մը կ՝ուզէ մեծ խնճոյք սարքել, սակայն հիւրերը տարբեր պատրուակներ գտնելով, մերժած են հրաւէրը: Այնուհետեւ, Տէրը իր ծառայէն կը խնդրէ , որ աղքատները ու անկարները հրաւիրէ խնճոյքին մասնակցելու:
Ֆրանչիսկոս Պապ կը նշէ, թէ աւետարանի վերոյիշեալ պատմութիւնը Փրկչագործութեան պատմութեան եզրակացութիւնն է, ինչպէս նաեւ բազմաթիւ քրիստոնեաներուն վերաբերմունքին նկարագրութիւնը:
Ան նկատել կու տայ, որ ընթրիքը, տօնակատարութիւնը, երկինքին դիմագիծն է ու Տիրոջ հետ յաւիտենականութիւնը :
Ֆրանչիսկոս Պապ ապա կը շեշտէ Տիրոջ անշահախնդիր հրաւէրը նկատել տալով, որ իսկական տօնակատարութիւն մը անվճար է, որովհետեւ տօնակատարութեան ծախսերը միշտ Տէրն է որ վճարէ: Սակայն կ՝ընդգծէ Սրբազան Հայրը տօնակատարութիւնը անվճար ըլլալով հանդերձ, շատեր կը մերժեն մասնակցիլ նախընտրելով իրենց շահագրգռութիւնները:
Սա է մեղքը հաստատեց սրբազան Հայրը «մեղք է մերժել Տիրոջ հրաւէրը, սա Իսրայէլի ժողովուրդին եւ մեր մեղքն է :
Մերժել Տիրոջ հրաւէրը , համազօր է Աստուծոյ հետ հանդիպելու մերժումին:
Նորին Սրբութիւնը դիտել կու տայ, որ քանի անգամ մենք եւս Մեր կեանքի ուղեւորութեան ընթացին դէմ յանդիման գտնուած ենք նման հրաւէրներու եւ մերժած ենք, նախընտրելով մեր շահագրգռութիւնները:
Ֆրանչիսկոս Պապ եզրափակելով քարոզը նկատել տուաւ որ Տիրոջ հրաւէրը ուղղուած է բոլորին եւ քէշերուն եւ բարիներուն: Ամէնքս հրաւիրուած են եւ ոչ մէկը կրնայ ըսել ես չար եմ, չեմ կրնար մասնակցիլ տիրոջ հրաւէրին:
Ան յորդորեց միշտ ընդառաջել Տիրոջ հրաւէրին եւ չփակուիլ մեր շահագրգռութիւններուն մէջ : Տիրոջմէ հայցենք որ մեզի պարգեւէ միշտ իր անվճար տօնակատարութեան մասնակցելու շնորհքը:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ