Քեսապի մէջ Ս. Ռիթայի ուխտի օր

Երկուշաբթի` 22 Մայիս 2023-ին, երեկոյեան ժամը 6։00-ին, Ս. Ռիթայի տօնին առթիւ, Քեսապի Հայ Կաթողիկէ Պատրիարքական Թեմի «Ս. Միքայէլ» վանքի եկեղեցւոյ մէջ, մասնակցութեամբ հաւատացեալներու հոծ բազմութեան, Սուրբ եւ անմահ պատարագ մատուցանեց եւ յաւուր պատշաճի քարոզեց տեղւոյն ժողովրդապետ` Գերապատիւ Հայր Նարեկ Վրդ. Լուիսեան։

Պատարագի աւարտին տեղի ունեցաւ վարդերու օրհնութիւն եւ նշխարհամբոյր։ Սոյն տօնին առթիւ հաւատացեալներուն որպէս յուշանուէր բաժնուեցաւ Ս. Ռիթայի օրհնուած սրբանկարները կերպասի վրայ, իսկ վանքին բակին մէջ տեղի ունեցաւ հիւրասիրութիւն։

Անկարելի բաներու Ս. Ռիթայ, բարեխօսեայ վասն մեր։

Բոլորին ուխտը կատար։

Աղբիւրը` Քեսապի Հայ Կաթողիկէ եկեղեցի