Փանիկի Հայ Կաթողիկէ Եկեղեցւոյ բարեգործական տօնավաճառը
4 Դեկտեմբեր, 2022թ․, Յիսնակաց շրջանի երրորդ Կիրակի. Փանիկի Սուրբ Աստուածածին Հայ Կաթողիկէ Եկեղեցւոյ մէջ մատուցուեց Սուրբ եւ անմահ Պատարագ՝ ձեռամբ Գերյարգելի Հայր Գառնիկ Ծ. Վրդ. Յովսէփեանի:
Արարողութեան ընթացքին արտասանած քարոզին մէջ Գերյարգելի Հայր Սուրբը հաւատացեալներուն փոխանցեց հետեւեալ պատգամը.
«Սիրելի՛ քոյրեր եւ եղբայրներ ի Քրիստոս,
Եկեղեցին մեզ հրաւիրում է վերադարձի, ինքնազննման, խղճի քննութեան, եկէ՛ք լինենք համերաշխ մեր հասարակութեան մէջ եւ ապրենք այս շրջանը ըստ Աստուծոյ պատուիրանների, որպէսզի կարողանանք ապրել մեր քրիստոնէական կեանքը անարատ եւ սուրբ սրտով։
Այս շրջանը հրաւէր է բոլորիս ապրելու սիրով, խաղաղութեամբ ու եղբայրսիրութեամբ:
Աւետարանի այսօրուայ ընթերցուածում կարդում ենք հետեւեալ պատգամը. «Ո՛չ, ասում եմ ձեզ. բայց եթէ չապաշխարէք, ամէնքդ էլ նոյնպէս պիտի կորչէք» (Ղուկ. 13:5), որը կոչ է ապաշխարութեան, յորդոր խոստովանութեան եւ խնդրանք մեղքերի թողութեան, որպէսզի կարողանանք մեղքերից մաքրագործուած սրտով դիմաւորել Մեր Փրկչի՝ Յիսուս Քրիստոսի Սուրբ Ծնունդը»:
Պատարագէն անմիջապէս յետոյ, Փանիկի եկեղեցւոյ ակումբի շէնքին մէջ տեղի ունեցաւ Ս. Ծննդեան և ամանօրեայ տօնավաճառի պաշտօնական բացումը՝ գլխաւորութեամբ Փանիկի Սուրբ Աստուածածին Հայ Կաթողիկէ Եկեղեցւոյ Ժողովրդապետ Գերյ. Հայր Գառնիկ Ծ. Վրդ. Յովսէփեանի եւ Փանիկի վարչական ղեկավար Գէորգ Սալնազարեանի, ու մասնակցութեամբ հաւատաւոր ժողովրդի:
Այս տարի բարեգործական տօնավաճառին իր կտաւներու ցուցադրութիւն-վաճառքով կը մասնակցի նաեւ նկարչուհի՝ Լիլիթ Տօնականեանը: Տօնավաճառի ողջ հասոյթը պիտի տրամադրուի Փանիկ համայնքի կարիքաւոր ընտանիքներուն։
Տօնավաճառը բաց կը մնայ մինչեւ 2023թ․-ի յունուարի 8-ը։
Գառնիկ Ճգնաւոր
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
