Հռոմի Սուրբ Բարթողոմէոս տաճարէն ներս կը զետեղուին Հարաւային Սուտանի մէջ սպաննուած երկու մայրապետներու մասունքները։

Վազգէն Աբարդեան - Վատիկան

Երկուշաբթի, 23 մայիսին, երեկոյեան ժամը 7,45ին, Հռոմի Սուրբ Բարթողմէսո անուան տաճարի մէջ կայացած հոգեւոր արարողութեան մը ընթացքին,  Ափրիկէի նոր մարտիրոսներու խորանին վրայ պիտի զետեղուին 2021-ի 16 օգոստոսին Հարաւային Սուտանի մէջ սպաննուած քոյր Ռէճինա եւ քոյր Մարիին մասունքները։

Յայտնենք թէ երկու կրօնաւորուհիները, որոնք կը պատկանին Sacred Heart Sisters միաբանութեան, սպաննուեցան սուրբ Պատարագի արարողութենէն ետք տուն վերադարձին զիրենք փոխադրող հանրակառքին վրայ յարձակումի ընթացքին։

Մասունքներուն զետեղման հոգեւոր արարողութեան կը նախագահէ Մարդկային Համապարփակ Զարգացման ծառայութեան քահանայապետական ժողովին կառավարիչ Կարդինալ Չեռնի։

Արարողութեան ընթացքին իրենց սրտին խօսքը կը փոխանցեն սպաննուած մայրապետներու երկու միաբանակիցներ, որոնք կը գործեն հարաւային Սուտանի մէջ կրթական մարզէն ներս։