Սրբուհի Կատարինէ Սիենացի Սրբուհի Կատարինէ Սիենացի  (© MET)

Տօն Սրբուհի Կատարինէ Սիենացիին, Իտալիոյ ու Եւրոպայի Պաշտպան Սրբուհին։

Սրբուհի Կատարինէն, Ավիլայի սրբուհի Թերեզայի հետ միասին կաթողիկէ եկեղեցւոյ կողմէ ճանչցուած է որպէս ''Եկեղեցւոյ վարդապետ'' (նշանակուած Պօղոս Զ Քահանայապետի կողմէ)։
Ունկնդրէ լուրը

Վատիկան Նիուզ

Սրբուհի Կատարինէն, Ս. ֆրանչիսկոս Ասիզացիի հետ միասին, պաշտպան սուրբ է Իտալիոյ (հռչակուած՝ երջանկայիշատակ Պիոս ԺԲ. Քահանայապետին կողմէ 1939-ին) նաեւ Եւրոպայի պաշտպան սրբուհին է Շուետի սրբուհի Պրիճիտայի եւ սրբուհի Թերեզա Խաչեալին հետ միասին (նշանակուած 1999-ին Երանելի Յովհաննէս Պօղոս Բ Քահանայապետի կողմէն)։ Սրբուհի Կատարինէն, Ավիլայի սրբուհի Թերեզայի հետ միասին կաթողիկէ եկեղեցւոյ կողմէ ճանչցուած է որպէս ''Եկեղեցւոյ վարդապետ'' (նշանակուած Պօղոս Զ Քահանայապետի կողմէ)։

Պիոս Բ Քահանայապետը 1461-ին խորաններու պատուոյն կը բարձրացնէ Սրբուհի Կատարինէն ։ Իսկ՝ 1866-ին Պիոս Թ. զինք կը հռչակէ Հռոմ քաղաքի պաշտպան սրբուհին, եւ 1947-ին պաշտպան սրբուհի Կարմիր Խաչի միջազգային կազմակերպութեան։

Սրբուհի Կատարինէ ծնած է Իտալիոյ Սիեննա քաղաքը 25 մարտ 1374ին։ Փոքր հասակին ի յայտ կու գայ իր խորհրդական խարիսման։ 7 տարեկանին կուսութեան ուխտ կը կատարէ եւ խստակեաց կեանք մը կ'ապրի։ 16 տարեկանին տոմենիքեան իգական միաբանութեան կ'անդամակցի եւ անմիջապէս կը նուիրուի հիւանդներու խնամատարութեան։ Նշանաւոր է սրբուհի Կատարինէի միջամտութիւնը համոզելու Քահանայապետը Ավինիոնէն Հռոմ վերադառնալու։ 1378-ին Ուրբանիոս Զ Քահանայապետը իրմէ օգնութիւն կը խնդրէ, եկեղեցւոյ միութիւնը վերահաստատելու համար ֆրանսացիներու դէմ, որոնք «հակա-պապ» ընտրած էին Կղեմէս Է-ը։ Ան Հռոմ կ'երթայ եւ իր բոլոր ոյժով կը պայքարի քահանայապետին ի խնդիր։ Ուժասպառ 29 ապրիլ 1380-ին կը վախճանի 30 տարեկանին։ Յայտնենք որ սրբուհի Կատարինէի հանդէպ ջերմեռանդութիւնը տարածուած է համայն աշխարհի վրայ եւ տարեկան միջազգային տօնախմբութիւն կը կատարուի սրբուհիին ի պատիւ։

Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ

29/04/2021, 08:23