Հռոմի Սուրբ Նիկողայոսի եկեղեցին Հռոմի Սուրբ Նիկողայոսի եկեղեցին 

Նոյեմբեր 22-ին հայկական եկեղեցիներուն մէջ զոհուածներու յիշատակի արարողութիւն պիտի իրականացուի

Արցախի պաշտպանութեան հերոսներու յիշատակի սուրբ Պատարագը, Հռոմի մէջ պիտի մատուցուի Լեւոնեան քահանայապետական վարժարանէն ներս, կիրակի 22 նոյեմբերին, առաւօտեան ժամը 11-ին։

Նոյեմբեր 22-ին հայկական բոլոր եկեղեցիներուն մէջ պիտի կատարուի արցախեան պատերազմին հայրենիքի պաշտպանութեան համար նահատակուած հերոսներու յիշատակի արարողութիւն:

Ունկնդրէ լուրը

Հռոմի մէջ եւս՝ Լեւոնեան քահանայապետական վարժարանէն ներս, կիրակի 22 նոյեմբերին, առաւօտեան ժամը 11-ին, պիտի մատուցուի Սուրբ Պատարագ, որուն պիտի յաջորդէ հոգեհանգստեան պաշօնը ի հոգւոցն հանգստեան Արցախի անմոռնալի հերոս նահատակ զինուորներուն։ Պատարագը պիտի գլխաւորէ Լեւոնեան Ք Վարժարանի մեծաւորը՝ Գերյ. Հայր Նարեկ Վրդ Նաամոյան։

Մայր Աթոռ Սուրբ Էջմիածինի մէջ յիշատակի արարողութիւնը, նախագահութեամբ Ամենայն Հայոց Կաթողիկոսի, նախատեսուած է Սուրբ Պատարագէն ետք՝ ժամը 13։30-ին, Սուրբ Տրդատի բաց խորանին մօտ։

 

Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ

20/11/2020, 07:15