Համաճարակ. աշխարհի կրօնաւորուհիներու ու կրօնաւորներուն  աղօթքի հրաւէրը «անսանք տառապող աղքատներուն օգնութեան աղերսներուն»։

Վազգէն Աբարդեան - Վատիկան

Աշխարհի ընդհանուր մեծաւորուհիներու միջազգային միութեան, Լատին Ամերիկայի կրօնաւորներուն եւ Միացեալ Նահանգներուն կրօնաւորներուն նախաձեռնութեամբ, հինգշաբթի, յուլիս, 23ին, յետմիջօրէին, ժամը 3-ին  տեղի կ՝ունենայ համաշխարհային աղօթքի առցանց ձեռնարկ մը,  յիշելու եւ աղօթելու համար Քորոա ժահրի թիրախ եւ առողջապահական խնամքէ զուրկ աշխարհի բոլոր աղքատներուն համար։

Աշխարհի կրօնաւորուհիներուն, կրօնաւորներուն համաշխարհային առցանց աղօթքի հրաւիրուած են նաեւ բոլոր անոնք, որոնք կը փափաքին աղօթել եւ  պահ մը լուռ մնալ՝ անսալու համար տառապող աղքատներու օգնութեան աղերսանքներուն ու անոնց տուած վկայութիւններուն՝ աշխարհի տարբեր ցամաքամասերէն։

«Անշնչացած  մնացած ենք, աշխարհի բազմաթիւ աղքատներուն դէմ գործադրուած անարդարութեան պատճառաւ, որոնք զուրկ են առողջապահական խնամքէն»։ Այս մասին ըսած է  աղօթք ձեռնարկի կազմակերպիչներէն Քոյր Մարի Քարներօ։

Աղօթքի ձեռնարկին կարելի է միանալ հետեւեալ կայքէջին վրայ  https://us02web.zoom.us/j/89788103343