«Րայադ ալ Շաm» ընտրական խմբակի անդամները այցելեցին Արհի. Յովսէփ Եպիսկ.Առնաութեանին։
Ուրբաթ,10 յուլիս 2020-ին,յառաջիկայ Սուրիոյ խորհրդարանական ընտրութեանց թեկնածու ներկայացած «Րայադ ալ Շամراية الشام» ցանկի անդամները,այցելութիւն մը տուին Արհի. Յովսէփ եպս. Առնաութեանին,Դամասկոսի Հայ կաթողիկէ առաջնորդին:Հանդիպման ներկայ գտնուեցաւ Գեր. Հ. Գէորգ վրդ. Պահէեան ժողովրդապետը համայնքին:Եռանդամ ցանկի անդամները յանձին՝ դոկտ. Նորա Արիսեանի,դոկտ. խալիլ Ժըրժի Թոհմէի եւ տիար Մուհամմատ Մահեր Պուսթանիի,ներկայացուցին Գերապայծառ Տիրոջ իրենց ընտրական ծրագիրը, ընդգծելով զանազան դժուարութիւններն ու մարտահրաւէրները,որոնց առաջ կանգնած է երկիրը ու հրամայականը լուծումներ գտնելու քաղաքացիներու բազմաթիւ խնդիրներուն ու հարցերուն:
Գերապայծառ Տէրը իր քաջալերանքն ու յաջողութեան մաղթանքները յայտնեց թեկնածուներուն,յոյս յայտնելով որ ընտրութիւնները առիթ հանդիսանան ամրապնդելու երկրին միասնականութիւնը ու յաջորդ Խորհրդարանը իր կարեւոր մասնակցութիւնը ունենայ որպէս օրէնսդիր մարմին,Սուրիոյ զարգացման ու յառաջդիմութեան:
Քաղուած Դամասկոսի ՀԿՄ-ի դիմատետրէն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ