Վատկիկանի մէջ աւելի քան 130 մսուրներու ցուցադրութիւն:
Վատիկանի մէջ դեկտեմբեր 8-էն- մինչեւ12 յունուար 2020ին, տեղի կ՝ունենայ աշխարհի 30 տարբեր երկիրներու մէջ կառուցուած աւելի քան 130 մսուրներուն ցուցադրութիւնը:
Կիրակի 8 դեկտեմբերին, մսուրներու ցուցադրութեան բացումը կատարեց Քահանայապետական նոր աւետարանումի զարգացման ժողովիմ կառավարիչ Գերապայծառ Ռինօ Ֆիզիքելլան մասնակցութեամբ Սուրբ աթոռին մօտ Հունգարիոյ դեսպանին:
Վատիկանի Պիոս Զ հիւանդանոցի դահլիճէն ներս ցուցադրուած իւրաքանչիւր մսուր, օժտուած է արուեստական բարձր արժանիքներով եւ ունի իրենց իւրայատուկ պատմութիւնը:
Մսուրներու շարքին կը գտնենք ,700 թուականին Նափոլի դպրոցի յատկանիշներով կառուցուած թանկարժէք մսուրներ, մինչեւ դպրոցական աշակերտներու ձեռքով շինուած պարզ մսուրներ:
Նշենք թէ աշխարհի 130 մսուրներու ցուցադրութեան ծրագիրը մաս կը կազմէ Ֆրանչիսկոս Պապին մսուրի իմաստին ու արժէքին մասին գրած առաքելական նամակին ծիրէն ներս կազմակերպուած նախաձեռնութիւններուն:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ