Երուսաղեմի հոգեւոր պետերուն Սուրբ Ծննդեան պատգամը:
Վազգէն Աբարդեան - Վատիկան
Յիսուսի Սուրբ Ծննդեան տօնին առիթով, Սուրբ երկրի հոգեւոր պետերուն պատգամեներուն նիւթ եշաղ է Յիսուս Սուրբ Ծնուդնը նկատել տալով որ Յիսուսի Սուրբ Ծնունդը ամէն չարիք կը վերածէ կեանքի լիութեան:
Սուրբ Ծննդեան պատգամներուն մէջ նշուած է թէ Յիսուս Քրիստոս մարդացաւ համայն աշխարհը փրկելու համար: Աստուծոյ Որդին իբրեւ մարդ փորձարկեց մեր մարդկայնութիւնը: Յիսուս գաղթական ըլլալով, փորձարկեց նաեւ անտէր անօճախ մարդու տառապանքները, դիմագրաւելով ամէն սպառնալիք, մինչեւ մահը: Սակայն Յիսուս իր ծնունդով յոյս եւ կեանք պարգեւեց աշխարհին:
Պատգամներուն մէջ Սուրբ Երկրի հոգեւոր պետերը մաղթած են, որ Յիսուսի Սուրբ ծնունդը արդարութիւն պարգեւէ բոլոր մարդոց: Ուրախութիւն , խաղաղութիւն, համերաշխութիւն պարգեւէ բոլոր ազգերուն:
Մինչ՝ Սուրբ Սուրբ Երկրի Պահակը գերապայծառ Փիցապալա Սուրբ Ծնունդի պատգամը եզրափակած է յիշելով բոլոր անոնք որոնք լռութեան մէջ սիրով եւ առանց աղմուկի իրենց կեանքը կու տան ուրիշներուն : Յիշեց ծնողները, որոնք բոլոր դժուարութիւններու հանդերձ քաջութեամբ ապագային կը սեւեռեն՝ յոյս ներշնչելու համար իրենց զաւակներուն: Յիշեց հիւանդանոցներուն, ծերանոցներուն, հիւրընկալութեան կեդրոններուն մէջ աշխատաւորները, յիշեց երիտասարդները, որոնք երբեք չեն հրաժարիր աւելի լաւ ապագայ երազելէ:
Գերապայծառ Փիցապալլը վերջապէս յիշեց նաեւ բոլոր անոնց որոնք հասկցած են թէ քրիստոնեայ ըլլալ կը նշանակէ կեանքը պարգեւել, անշահախնդրութեամբ սիրելով եւ առանց բան մը ակնկալելու, հաստատելով, թէ անոնք են եկեղեցւոյ յոյսը: Անոնց մէջն է որ այսօր կը նշուի իսկական Սուրբ Ծնունդը:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ