Եկեղեցին ունեցաւ նոր երանելի մը Քոյր Մարիա էմիլիա Ռիքէմ Ի Զայաս:
Վազգէն Աբարդեան - Վատիկան
Շաբաթ, 9 նոյեմբերին, Սպանիոյ Կրանատա քաղաքին մայր տաճարէն ներս, Սուրբերու դատի ժողովի ղեկավար ,Կարդինալ Անճելօ Պեչչու նախագահեց Աստուծոյ աղախին քոյր Մարիա էմիլիա Ռիքէմ Ի Զայասի երանացման արարողութեան:
Քոյր Մարիա ծնած է 15 օգոստոս 1847-ին, Սպանիոյ Կրանատա քաղաքին մէջ: Ան մանուկ հասակին յատուկ սէր ունեցած է աղքատներուն հանդէպ, աղքատները միշտ իր բարեկամները նկատելով: Ծնողքէն ժառանգած բոլոր հարստութիւնները սպառած է եղբայրսիրական գործեր իրականացնելով: Քոյր Մարիա իր բոլոր ուժերը կը քաղէր Սուրբ Հաղորդութենէն ինչպէս նաեւ Տիրամայրէն, որոնց նուիրած է 25 մարտ 1896ին հիմնած Սուրբ Հաղորդութեան միսիոնար քոյրեր միաբանութիւնը:
Քոյր Մարիա իր խօսքերուն մէջ յաճախ կրկնած է հետեւեալը « Սուրբ Հաղորդութիւնը երկրին վրայ դրախտն է : Սուրբ Հաղորդութեան պաշտամունքը իմ հոգեւոր հանգիստի եւ զբօսանքի ժամն է : Քոյր Մարիա միշտ ամուր հաւատքով դիմագրաւած է կեանքի բոլոր դժուարութիւնները:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ