Արհ. Պետրոս Արք Միրիաթեանի կոչը «Աղօթենք Սուրիոյ Ժողովուրդին համար»:
Վազգէն Աբարդեան - Վատիկան
Բերիոյ թեմի Հայ Կաթողիկէներուն առաջնորդ, Արհիապատիւ Պետրոս Արքեպիսկոպոս Միրիաթեան, հեռաձայնային զրոյց մը ունեցած է «Օգնութիւն տառապող եկեղեցւոյ» քահանայապետական բարեսիրական հաստատութեան հետ, Տէր Զօրի ճամբուն վրայ, Քամիշլիի հայ Կաթողիկէ համայնքի ժողովրդապետ, Հայր Յովսէփ Քահանայ Պետոյեանի ու անոր հօր նահատակութենէ ետք:»
«Պատերազմը տակաւին չէ վերջացած: ՏԱՀԵՇ-ը իր ներկայութիւնը տակաւին զգալի կը դարձնէ:» Այս խօսքերով արտայայտուած է Բերիոյ Թեմի Հայ Կաթողիկէներուն առաջնորդը՝ զրոյցին սկիզբը:
Պերապայծառ Միրիաթեան ապա նշած է, թէ Հայր Պօղոսն ու անոր ընկերացող հայրն ու սարկաւագը, ինքնաշարժով ուղղուած էին դէպի Տէր Զօր, Մարտիրոսաց եկեղեցւոյ շինարարական աշխատանքները ստուգելու համար:
Քահանայապետական բարեսիրական հաստատութեան փոխանցած տեղեկութիւններուն մէջ Հալէպի հայ Կաթողիկէներուն առաջնորդը նշած է, թէ Տէր Զօրի մէջ հայերուն ներկայութիւնը հաճելի չէ, որովհետեւ անոնք յիշել կու տան Հայոց Ցեղասպանութիւնը:
«Տէր Զօրը մեզի համար շատ կարեւոր է, որովհետեւ հոն սպաննուած են 1915-ին ցեղասպանութենէ փրկուած նահատակներ:
Այսօր՝ Տէր զօրի մէջ, ոչ մէկ հայ կաթողիկէ հաւատացեալ կայ եւ վստահ ենք ,որ Թուրքերը չեն ուզեր, որ մենք հոնվերադառնանք:» ըսած է գերապայծառը : Ան ապա կոչ յղած է միջազգային ընտանիքին, խնդրելով որ Սուրիոյ մէջ վերջ գտնեն պատերազմները:
Արքեպիսկոպոս Միրիաթեան զրոյցը աւարտած է հայցելով աշխարհի բոլոր քրիստոնեաներէն, որ աղօթեն, տաժանելի պահեր ապրող Սուրիոյ ժողովուրդի համար:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ