Լեհաստանի մէջ սկիզբ առին Վոյթիլա Պապին ծննդեան 100 ամեակի նուիրուած հանդիսութիւնները:
Վազգէն Աբարդեան - Վատիկան
Լեհաստանի եկեղեցին անցեալ կիրակի օր հանդիսաւոր կերպով նշեց Սուրբ Յովհաննէս Պօղոս Բ Պապին նուիրուած տարեկան ազգային օրը, ունենալով որպէս բնաբան «Ոտքի կանգնիք եւ քալենք :
Սուրբ Պապին նուիրուած ազգային օրը, 19 տարիներէ ի վեր կը կազմակերպէ Լեհաստանի եպիսկոպոսներուն համահաւաք դասի՝« նոր հազարամեակի աշխատանք » հիմնարկը, որուն գլխաւոր բարեսիրական գործունէութիւնները ուղղուած են ընկերութեան եզրին գտնուող ձիրքերով օժտուած երիտասարդներուն, ֆինանսաւորելով անոնց ուսումները:
Սուրբ Յովհաննէս Պօղոս Բ Պապին նուիրուած օրուան առթիւ կազմակերպուած ձեռնակներուն շարքին, Սուրբ Պատարագ մատուցուեցաւ Վարսաւիոյ Աստուածային նախախնամութեան եկեղեցւոյ մէջ ՝ ձեռամբ Կարդինալ Քազիմերզ Նիչցիին: Ան այս առթիւ արտասանած խօսքին մէջ ծիրանաւորը նկատել տուած է, որ Սուրբին նուիրուած օրուան նպատակն է հանրութեան ծանօթացնել Սուրբ Յովհաննէս Պօղոս Բ-ի սրբակեաց կեանքն ու սէրը՝ ըլլայ եկեղեցւոյ, ըլլայ Սուրբ Կոյս Մարիամին հանդէպ:
Նշենք թէ, 13 հոկտեմբերին Պապին նուիրուած ազգային օրը, բացումը կատարուեցաւ նաեւ Սուրբ Յովհաննէս Պօղոս Բ-ի ծննդեան յոբելենական 100 ամեակի նուիրուած հանդիսութիւններուն: Սուրբ Պապը ծնած էր 18 մայիս 1920-ին:
«Նոր հազարամեակի աշխատանք» հիմնարկի նախագահ հայր Տարիսուս Քովալչէք այս առթիւ արտասանած խօսքերուն մէջ բարձր գնահատելով Սուրբ Յովհաննէս Չ Պապը ըսած է « Իրեն կը պարտինք մեր հայրենիքին մէջ իրականացուած փոփոխութիւններուն մեծ մասը: Անոր քաջութիւնը , իմաստութիւնը, հոգիի զօրութիւնը մեզ օգնեց Լեհաստանը փոխելու:
Յայտնենք նաեւ վերոնշեալ հիմնարկը հիմնուած է 2000 թուականին, Սուրբ Յովհաննէս Պօղոս Բ Պապին Լեհաստան կատարած առաքելական այցելութենէն ետք:
Հիմնարկը ճանչցուած է ոչ միայն ՅՊԲ պապին ազգային օրը կազմակերպելու համար այլեւԹոթուս Թուուս՝ բնաբանով մրցանակաբաշխումին համար:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ