Անթիլիասի մայրավանքի մայր տաճարի վերանորոգում:
Մեծի Տանն Կիլիկիոյ կաթողիկոսութեան Անթիլիասի մայրավանքի Ս. Գրիգոր Լուսաւորիչ մայր տաճարի վերանորոգման աշխատանքները սկիզբ առին 20 օգոստոս 2019-ին եւ պիտի տեւեն շուրջ երկու ամիս: Վերանորոգման ծախսերը ստանձնած են հիւսիսային Ամերիկայի արեւմտեան թեմի ազգայիններ տէր եւ տիկին Յովսէփ եւ Էլիզապեթ Պոյաճեաններ:
Արամ Ա. վեհափառ հայրապետին գահակալութեան շուրջ 25 տարիներուն ընթացքին երրորդ անգամ ըլլալով մայր տաճարը կ՛ենթարկուի ամբողջական վերանորոգման` բնականաբար յաճախակի առիթներով կատարուած բարեզարդման որոշ աշխատանքներու առընթեր:
Մայր տաճարի վերանորոգման շրջանին Ս. եւ Անմահ պատարագները պիտի մատուցուին տաճարին կից գտնուող դամբարանի մատրան մէջ:
Քաղուած Ազդակ օրաթերթէն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
