Սուրբ Օսքար Ռոմերոյի տարեկան 3-րդ ուխտագնացութիւնը:
1-էն-3 օգոստոս 2019-ին, Սան Սալվատորի մէջ տեղի կ՝ունենայ Սուրբ Օսքար Ռոմերոյի նուիրուած ուխտագնացութիւնը՝ Սան Սալվատորէն դէպի Չուտատ, մարտիրոս սուրբին Սրբավայրը:
Այս տարուան ուխտագնացութեան նիւթն է «Քալելով Սուրբ Օսքար Ռոմերոյին հետ, սերմը որ կը ծլի հողին մէջ եւ կ՝արտադրէ արդարութեան պտուղներ, եղբայրութիւն եւ խաղաղութիւն»:
Սուրբ Օսքար Ռոմերոյի ուխտագնացութեան այս տարուան ծրագիրին նպատակն է արարչագործութեան պահպանումը՝ որուն ծիրէն ներս պիտի խրախուսուի բնապահպանութեան մշակոյթը: Արդարեւ, իւրաքանչիւր ուխտաւոր պիտի ստանայ ծառ մը, տնկելու համար ուխտագնացութեան ուղեւորութեան ժամանակ զոր պիտի նպաստէ անտարներու վերականգնումին
Սուրբ Օսքարի ուխտագնացութիւնը սկիզբ առաւ օգոստոս 1-ին, Սան Սալվատորի մայր տաճարին մէջ առաւօտեան մատուցուած Սուրբ Պատարագով, զոր նախագահեց Սան Սալվատորի Արքեպիսկոպոս Գերապայծառ Խօսէ Լուիս Էսքոպայ Ալաս ապա ուխտաւորները հետիոտն Սան Սալվատորէն կ՝ուղղուին դէպի Ափասթէփէի:
Ուխտագնացութիւնը վերջ կը գտնէ ՝ օգոստոս 3-ին, Սուրբ Օսքար Ռոմերոյին ծննդավայրին մէջ ուր ՝Սան Սալվատորի թեմի օգնական եպիսկոպոս կարդինալ Կրէկորին Ռոզա Շաւեց կը մատուցանէ Սուրբ Պատարագ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
