«Տառապող եկեղեցւոյ օգնութիւն» կազմակերպութիւնը ֆրանչիսկոս Պապին Մատակասկար այցելութեան կ՝ընկերանայ:
Վազգէն Աբարդեան - Վատիկան
«Տառապող եկեղեցւոյ օգնութիւն»՝ քահանայապետական բարեսիրական կազմակերպութիւնը, ֆրանչիսկոս Պապին Մատակասկար այցելութեան կ՝ընկերանայ՝ ձեռնարկելով տարբեր ծրագիրներ տեղական եկեղեցւոյ ի նպաստ:
Պապին Ճամբորդութեան ընկերանալու համար, վերոնշեալ կազմակերպութիւնը նախաձեռնած է զանազան ծրագիրներ, որոնց շարքին, Սուրբ պատարագի դիտաւորութիւններ՝ Մատակասկարի տեղական եկեղեցւոյ թեմերուն քահանաներուն համար, նիւթական օժանդակութիւն կրօնական կազմաւորումի եւ հայեցողական կեանք ապրող կրօնաւորուհիներուն համար:
Նկատի առնելով Մատակասկարի առողջապահական համակարգի վատ կացութիւնը, ուր վերջին շրջանին, աւելի քան 1200 անձ մահացած են վարակուած համաճարակի հետեւանքով, «Տառապող եկեղեցւոյ օգնութիւն» բարեսիրական կազմակերպութիւնը , դեղորայք եւ պատուաստ հայթայթած է Սուրբ Պօղոս Զ անուան Աւագ նորընծայարանի 69 նորընծաներուն համար:
Մորամանկ թեմի եպիսկոպոսը գերապայծառ Ռոզարիօ Վելլա, Տառապող եկեղեցւոյ օգնութիւն բարեսիրական կազմակերպութեան հետ ունեցած զրոյցի մը ընթացքի յայտնած է:
«Մեր մաղթանքն է, որ ֆրանչիսկոս Պապ պիտի կարողանայ յոյս փոխանցել Մատակասկարի բնակչութեան սիրտերուն մէջ, որոնք վաղուց եւ ի զուր՝ ջանք կը թափեն եւ կը որոնեն ընկերութեան մէջ բան մը փոխել: Մեր մաղթանք է նաեւ որ ֆրանչիսկոս Պապ խաղաղութին բերէ ընկերութեան մը մէջ՝ ուր ընտանիքներու, գիւղերուն մէջ խիստ բաժանում կը տիրէ:
Ի վերջոյ գերապայծառ Վելլա յայտնած է թէ « եկեղեցին, որուն հետ ֆրանչիսկոս Պապի պիտի հանդիպի մեծ կղզիին մէջ, մտահոգ եկեղեցին մըն է, երկրին մէջ մահմետականներուն թիւի արագ աճումի պատճառաւ »:
8Կան ծրագիրներ՝արտասահմանի օժանդակութեամբ, Մատակարարի մեծ մասը մահմետականացնելու համար:» ըսած է Գերապայծառ Վելլա:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ