Հռոմի մէջ Սարկաւագական ձեռնադրութիւն Տիրացու Եղբ. Արամ Սաատոյի։

Կիրակի, 26 Մայիս 2019-ի, առաւօտեան ժամը 11_ին, Հռոմի Ս. Նիկողայոս եկեղեցւոյ մէջ  կայացած Ս. եւ անմահ Պատարագի ընթացքին, տեղի ունեցաւ Տիրացու Արամ Սաատոյի սարկաւագական ձեռնադրութիւնը,  նախագահութեամբ Վրաստանի, Ռուսիոյ եւ Արեւելեան Եւրոպայի հայ կաթողիկէ թեմի առաջնորդ՝ Արհիապատիւ Հ. Ռաֆայէլ Արք. Մինասեանի, առընթերակայութեամբ՝ Գերապատիւ Հ. Մաշտոց վրդ. Զահթէրեանի եւ Գերապատիւ Հ. Անտոն վրդ. Գրիգորեանի ու խարտաւիլակութեամբ՝ Հռոմի Քահանայապետական Լեւոնեան հայ վարժարանի Մեծաւոր՝ Գերյարգելի Հ. Նարեկ ծ. վրդ. Նաամոյեանի։

Ս. արարողութեան ներկայ էին՝ Գերյարգելի եւ գերապատիւ հայրեր, Հռոմի Անարատ Յղութեան քոյրերը, Սաատօ ընտանիքը ու իրենց հարազատները եւ հաւատացեալներու կուռ բազմութիւն մը։