«2019-ի Կրօններու Փառատօնը» Ֆիրենցէի Սուրբ Մինաս Աբբայարանին մէջ։
Ռոպէր Աթթարեան - Վատիկան
26էն 28 ապրիլ 2019-ին, Ֆիրենցէի Սուրբ Մինաս «Սան Մինիաթօ ալ Մոնթէ» Աբբայարանի մօտ 4-րդ տարուան համար տեղի կ՛ունենայ 2019-ի Կրօններու փառատօնը որուն այս տարուայ խորագիրն է «Ora-te» եւ ունի երկու իմաստ Լատիներէն «orate» այսինքն աղօթենք եւ իտալերէն «ora-te» այսինքն այժմ դուն, որ յորդոր մըն է յանձնառու ըլլալու վերանորոգելու մենք զմեզ ու վերագտնելու ժամանակին արժէքը։
Կրօններու փառատօնին իր մասնակցութիւնը կը բերէ նաեւ Վատիկանի Պետական Քարտուղարը կարդինալ Փիեթրօ Փարոլինը որ 27 ապրիլ 2019-ի առաւօտեան զեկոյց մը պիտի ներկայացնէ «Հաւատքի ժամանակը ժամանակակից ընկերութեան մէջ» նստաշրջանի ընթացքին։
Յայտնենք թէ վերոնշեալ հաւաքին իր մասնակցութիւնը կը բերէ ի մէջ այլոց Ամենայն Հայոց Կաթողիկոս Գարեգին Բ-ը։
Յաւելեալ տեղեկութիւններու համար դիմել www.festivaldellereligioni.it
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ