Vatican News
Նոր Զելանտայի մզկիթներու առջեւ առաւել հսկողութիւն Նոր Զելանտայի մզկիթներու առջեւ առաւել հսկողութիւն 

Ասսիզիի Ֆրանչիսկեան եղբայրներուն ցաւը Նոր Զելանտիայի մէջ ահաբեկչական արարքին ի տես։

«Գոյութիւն չունին ոչ օտարականներ ոչ հիւրեր, գոյութիւն ունին մարդիկ ու կիներ որոնք կ՛ընթանան դէպի մարդկային ընտանիքի միութիւն»
Ունկնդրէ լուրը

Ռոպէր Աթթարեան - Վատիկան

«Խոր ցաւ ու զօրակցութիւն եղբայր իսլամներուն ու անոնց ընտանիքներուն համար։ Դաժան դրսեւորում մըն է այդ աղօթքի համար համախմբուած անմեղ քաղաքացիներու դէմ։ Գոյութիւն չունին ոչ օտարականներ ոչ հիւրեր, ոչ քրիստոնեաներ ոչ իսլամներ, ոչ ճերմակները ոչ ալ սեւեր, այլ գոյութիւն ունին մարդիկ ու կիներ որոնք կ՛ընթանան դէպի մարդկային ընտանիքի միութիւն» այս խօսքերով է որ Ասսիզիի Ֆրանչիսկեան Միաբանութեան Վանքի մամլոյ գրասենեակի տնօրէնը Հայր Էնցօ Ֆորթունաթօ իր ցաւն ու կսկիծը արտայայտեց, ի տես Նոր Զելանտայի  մէջ, այս առաւօտ՝ տեղական ժամով 13 Իտալիոյ ժամով առաւօտեան կանուխ 3-ին, տեղի ունեցած ահաբեկչական երկու արարքներուն , որոնց պատճառաւ կան 40 մեռեալ ու 50է աւելի վիրաւորներ։

Հայր Ֆորթունաթօ նշեց նաեւ որ իր միաբանակից բոլոր եղբայրները խորապէս ազդուած են  պատահածէն ու թէ պիտի աղօթեն Սուրբ Ֆրանչիսկոսի դամբանին մօտ,  որպէսզի ատելութենէն բարբարոսաց սրտերը սորվին մերժել բռնութիւնը ու յանձն առնեն խաղաղութեան ճանապարհը։ «Թող վերջ գտնէ բաժանումը ու խթանուի միութեան մշակոյթը» մաղթած է միշտ Ասսիզիի Ֆրանչիսկեան Միաբանութեան Վանքի մամլոյ գրասենեակի տնօրէն Հայր Էնցօ Ֆորթունաթօ։

15/03/2019, 11:12