Cerca

Vatican News
Ռաի Պատրիարքը Ռաի Պատրիաքը 

Ռայի Պատրիարքը նախագահ Աունը շնորհաւորեց Լիբանանի անկախութեան 75-ամեակին առիթով

Ռայի պատրիարքը նախագահ Աունին ներկայացուց նաեւ Վատիկան կատարելիք իր այցելութեան մանրամասնութիւնները` մաղթելով, որ Անկախութեան տօնին առիթով լիբանանցիներուն նուէրը ըլլայ կառավարութեան կազմութիւնը:

Մարոնի համայնքի Պշարա Ռայի պատրիարքը երէկ հեռաձայնային հաղորդակցութիւն մը ունեցաւ հանրապետութեան նախագահ զօր. Միշել Աունի հետ եւ շնորհաւորեց զայն Լիբանանի անկախութեան 75-ամեակին առիթով:

Ռայի պատրիարքը նախագահ Աունին ներկայացուց նաեւ Վատիկան կատարելիք իր այցելութեան մանրամասնութիւնները` մաղթելով, որ Անկախութեան տօնին առիթով լիբանանցիներուն նուէրը ըլլայ կառավարութեան կազմութիւնը:

Ռայի պատրիարքը շնորհաւորեց նաեւ Մարատա հոսանքի ղեկավար Սլէյման Ֆրենժիէի եւ Լիբանանեան ուժեր կուսակցութեան ղեկավար Սամիր Ժահժահի միջեւ հաշտութիւնը: Ան նշեց, որ հաշտութիւնը մեծ արժանիք է` անցեալի էջը փակելու եւ դէպի ապագայ նայելու իմաստով:

Ռայի պատրիարքը ընդգծեց, որ Լիբանան չի կրնար այս ընթացքով շարունակել` յոյս յայտնելով, որ նախագահ Աունի կողմէ արտաքին գործոց նախարար Ժըպրան Պասիլին յանձնուած պարտականութիւնը կը յաջողի:

Միւս կողմէ, Ռայի պատրիարքը հեռաձայնային հաղորդակցութիւն մը ստացաւ հանրապետութեան նախկին նախագահ Ամին Ժեմայէլէն, որ շնորհաւորեց զայն Մարատա հոսանքին եւ Լիբանանեան ուժեր կուսակցութեան միջեւ հաշտութիւնը հովանաւորելուն առիթով:

Քաղուած Ազդակ օրաթերթէն

19/11/2018, 08:15