Հնդկաստանի հաւատացեալներուն նամակը Ֆրանչիսկոս Պապին
Վազգէն Աբարդեան - Վատիկան
Հնդկաստանի կաթողիկէ հաւատացեալները նամակով մը Ֆրանիսկոս Սրբազան Պապէն խնդրած են, որ արագացնէ Օրիսսա նահանգի մէջ ցեղային մաքրագործութեան զոհ գացած հաւատացեալներուն մարտիրոս հռչակուելու գործընթացը:
Տասը տարի առաջ, Հնդկաստանի մէջ ծայրայեղական խմբաւորում մը ցեղային մաքրագործումի նպատակով սպանած է խումբ մը քրիստոնեայ հաւատացեալներ:
Յիշեալ հաւատացեալներու սպանութեան 10-րդ ամեակի առիթով գրուած նամակին հեղինակն է մտաւորական, կաթողիկէ հաւատացեալ Ճոն Տայլալ, որ էր նաեւ Ասիոյ միջ ամենէն հին եկեղեցական շարժումի երբեմնի նախագահը:
Ան նամակին մէջ նկատել տուած է, որ Հնդկաստանի մէջ աւետարանումէն ետք, հաւատացեալներ կրցած են ապահով եւ ժողովրդավար վիճակի մէջ ապրիլ, շնորհիւ հանրապետութեան սահմանադրութեան, որ կ՝երաշխաւորէ հաւատքի ազատութիւնը:
Ճոն Տալ նամակին մէջ յիշած է , որ Հնդկաստանի մէջ եղած են նաեւ տխուր եւ ցաւալի պատմական պահեր՝ քրիստոնեայ հաւատացեալներուն համար, ինչպէս 18-րդ դարու վերջաւորութեան Մայսոր Թիփու Սուլթանի կողմէ գործադրուած տասնեակ հազարաւոր հաւատացեալներուն կալանաւորումի արարքը եւ երկու դար վերջ 2008 թուին, ծայրայեղական խմբաւորումի քրիստոնեաներուն դէմ գործադրուած ամենամեծ ողբերգութիւնը, որ տեղի ունեցած է 25 օգոստոս 2008-ին, եւ որմէ շատեր ՝աւելի քան 60000 մանուկներ, կիներ տարեցներ փախուստ տուած ու փրկուած են շնորհիւ իրենց գիւղերու անտառներուն խիտ ծառերուն:
Նամակին մէջ հնդկաստանի հաւատացեալները ֆրանչիսկոս Սրբազան Պապէն կը խնդրեն որ արագացնէ այդ ոճիրին զոհ գացած հաւատացեալներուն մարտիրոս հռչակուելու գործընթացը:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ