Пошук

Ксёндз Маўра Мантавані Ксёндз Маўра Мантавані 

Новы прэфект Ватыканскай Апостальскай Бібліятэкі

Папа прызначыў прэфектам Ватыканскай Апостальскай Бібліятэкі ксяндза Маўра Мантавані, які апошнія гады быў дэканам філасофскага факультэта Папскага салезіянскага ўніверсітэта ў Рыме.

Аляксандр Амяльчэня - Vatican News

67-гадовы салезіянін мае дзве доктарскія ступені – па філасофіі і літаратуры (абараніў у Папскім універсітэце Саламанкі ў Іспаніі), а таксама па тамістычнай тэалогіі (абараніў у Папскім універсітэце святога Тамаша Аквінскага – Angelicum, у Рыме). З 2007 года з’яўляецца выкладчыкам Папскага салезіянскага ўніверсітэта, дзе займаў пасады дэкана філасофскага факультэта, дэкана факультэта сацыяльных камунікацый, віцэ-рэктара і рэктара. Уваходзіць у склад Папскай акадэміі святога Тамаша Аквінскага і Навуковага камітэта Агенцтва Святога Пасада па ацэнцы і павышэнню якасці касцёльных універсітэтаў і факультэтаў (AVEPRO).

Апостальская бібліятэка была заснавана па ініцыятыве Мікалая V і Сікста IV у другой палове XV стагоддзя. На сённяшні дзень тут захоўваецца больш за 1,5 мільёна старажытных і сучасных кніг, больш за 8 тысяч інкунабул, каля 150 тысяч манускрыптаў, каля 300 тысяч манет і медалёў і каля 20 тысяч твораў мастацтва.
 

14 лютага 2023, 12:11