Бахрэйн – працяг больш шырокага працэсу міжрэлігійнага дыялогу
Аляксандр Амяльчэня - Vatican News
Кардынал Мігель Аюса Гішот пракаментаваў апостальскае падарожжа Францішка ў Бахрэйн. Ён адзначыў інтэнсіфікацыю міжрэлігійных сувязей у апошнія гады.
“Дыялог – гэта асаблівае экзістэнцыяльнае стаўленне, якое павінна характарызаваць чалавека. Лічу вельмі важным, што за апошнія гады прадстаўнікі розных рэлігій шмат разоў збіраліся, каб заявіць аб жаданні дыялогу. У Бахрэйне мы працягваем гэты працэс і імкнёмся паглыбіць пасланне Папы і вялікага імама Аль-Азхара. Яно запрашае міжнародную супольнасць да братэрства, якое так патрэбна свету. Перад абліччам працяглых канфліктаў і смутку чалавецтва цудоўна, што мы можам сустракацца разам, каб прасоўваць гэты праект братэрства”, - адзначыў кардынал, адказны ў структурах Святога Пасада за міжрэлігійны дыялог.
