Пошук

Базыліка святога Пятра. Ілюстрацыйнае фота Базыліка святога Пятра. Ілюстрацыйнае фота 

Святы Пасад абвясціў конкурс на лепшы лагатып Юбілею 2025 года

Папская рада па новай евангелізацыі абвясціла конкурс на лепшы лагатып Святога 2025 года. Ён распачынаецца 22 лютага і будзе працягвацца да 20 мая 2022 года.

Аляксандр Панчанка – Vatican News

Афіцыйны лагатып павінен выражаць тоеснасць і асаблівую духоўную тэму Святога года, “утрымліваючы ў сябе тэалагічны сэнс, вакол якога развіваецца і адбываецца гэта гістарычная падзея”, - гаворыцца ў паведамленні ватыканскага ведамства.

Зазначаецца таксама, што карысная інфармацыя для стварэння лагатыпу змешчана ў лісце Францішка да старшыні Папскай рады па новай евангелізацыі аб абвяшчэнні Юбілею, але прывілеяванай крыніцай натхнення безумоўна павінен стаць дэвіз Святога года: Пілігрымы надзеі.

Удзел у конкурсе змогуць прыняць усе жадаючыя, згаджаючыся з яго рэгламентам, у якім змешчаны ўсе неабходныя ўказанні для прадстаўлення ўласнай працы на разгляд журы. Больш падрабязная інфармацыя даступна на сайце www.iubilaeum2025.va, дзе ў хуткім часе з’явіцца магчымасць для запампавання файлу з уласным праектам.
 

22 лютага 2022, 13:38