Пасол Ізраіля: наш дыялог са Святым Пасадам мае моцныя карані
Ян Глінскі - Vatican News
На думку дыпламата, самай важнай місіяй новага пасла будзе прадстаўленне Апостальскай Сталіцы цяжкасцяў, з якімі Ізраіль сутыкаецца сёння.
“Трэба абавязкова абвяшчаць словы папы Францішка, скіраваныя з нагоды 50-годдзя дэкларацыі Nostra Aetate аб адносінах Касцёла з нехрысціянскімі рэлігіямі да ўдзельнікаў Сусветнага яўрэйскага кангрэсу. Святы Айцец тады сказаў, што “напады на яўрэяў – гэта антысемітызм, як і адкрытая дэлегітымізацыя дзяржавы Ізраіль”, - адзначыў ізраільскі дыпламат.
Самым вялікім дасягненнем за час сваёй службы Орэн Давід лічыць паглыбленне дыялогу з каталіцкім светам на тэму антысемітызму і ўступленне Супольнасці св. Эгідзія ў Міжнародны альянс памяці аб Халакосце.
“На працягу апошніх пяці гадоў я меў магчымасць пазнаёміцца з мноствам прадстаўнікоў каталіцкага свету. У размовах я заўсёды сустракаў вялікую зацікаўленасць Ізраілем”, - заўважыў дыпламат.
