Новы сакратар Папскай рады па міжрэлігійным дыялогу

Мансеньёр Канканамалаге нарадзіўся ў 1966 г. у Шры-Ланцы. Прэзбітэрскае пасвячэнне атрымаў у 2000 г. Пасля абароны доктарскай дысертацыі ў Папскім універсітэце “Урбаніана”, выкладаў на факультэце місіялогіі гэтай навучальнай установы. 12 чэрвеня 2012 г. Бэнэдыкт XVI прызначыў яго падсакратаром Папскай рады па міжрэлігійным дыялогу.

У адным з інтэрв’ю новапрызначаны сакратар Папскай рады падкрэсліваў, што міжрэлігійны дыялог з’яўляецца неад’емнай часткай місіі Касцёла, не толькі таму, што спрыяе мірнаму суіснаванню паміж народамі, але таксама дапамагае далейшаму пазнанню “таямніцы Бога”, становячыся, такім чынам, “дыялогам збаўлення”.

25 мая 2019 г. Святы Айцец прызначыў старшынёй Папскай рады па міжрэлігійным дыялогу 67-гадовага іспанскага біскупа Мігеля Анхеля Аюса Гішота, дагэтуль сакратар гэтай ватыканскай дыкастэрыі.