Пошук

Ян Павел ІІ Ян Павел ІІ 

14 гадоў таму памёр Ян Павел II

“Дарагія браты і сёстры, у 21.37 наш улюбёны Святы Айцец Ян Павел II вярнуўся ў Дом Айца”, - такія словы прагучалі 2 красавіка 2005 г. на плошчы св. Пятра, дзе сабраліся тысячы людзей.

З дня, калі была зачынена доўгая і незвычайная старонка гісторыі Касцёла і свету, сёння мінула 14 гадоў.

Бясспрэчны герой апошняй чвэрці XX стагоддзя, першы Папа паходжаннем з Усходняй Еўропы, быў абраны ў 1978 г., калі кантынент заставаўся падзеленым “жалезнай заслонай”. Яго пантыфікат, што пачаўся са слоў: “Не бойцеся! Адкрыйце, расчыніце насцеж дзверы Хрысту!”, доўжыўся 27 гадоў.

На пахаванні Пантыфіка вернікі заклікалі: “Santo Subito!”. Урачыстая кананізацыя Яна Паўла ІІ адбылася ў Рыме 27 красавіка 2014 г.

Навіна ў фармаце аўдыё
02 красавіка 2019, 13:52