Vatican News
Кардынал Джанфранка Равазі Кардынал Джанфранка Равазі 

Старшыня Папскай рады па культуры пра дыяканат жанчын

Гістарычная традыцыя дыяканату жанчын вельмі складаная, таму павінна адбыцца сур’ёзная рэфлексія па гэтым пытанні, адзначыў старшыня Папскай рады па культуры, кардынал Джанфранка Равазі.

У інтэрв’ю нямецкай KNA, прымеркаванаму да прызначэння новага складу каманды жанчын-дарадцаў ватыканскай дыкастэрыі, іерарх адзначыў, што дазваляе сабе разглядаць магчымасць дыяканату жанчын, аднак, нагадаў, што дыскусія аб ролі жанчын у Касцёле павінна выглядаць інакш.

“Я думаю, што акцэнт на святарстве жанчын, гэта падыход клерыкальны. Чаму б не пачаць размовы з іншых вельмі важных функцый жанчын у Касцёле? Напрыклад, вядзенне парафіі з структурнага боку, у сферы катэхізацыі, валанцёрства, фінансаў, планавання, архітэктурнага праектавання. Чаму не аддаць гэта ў рукі жанчын? Таксама ў Ватыкане, у тым ліку і на высокіх пасадах, прысутнасць жанчын можа быць большай”, - сказаў ватыканскі іерарх.

Кансультатыўная група жанчын у Папскай радзе па культуры існуе з 2015 г. 24 лютага 2019 г. быў абвешчаны яе новы склад на 2019-2021 гады.

Навіна ў фармаце аўдыё
05 сакавіка 2019, 12:16