Папская швейцарская гвардыя мае новы сайт
Сайт www.guardiasvizzera.ch мае чатыры моўныя версіі: нямецкую, французскую, італьянскую і англійскую. Ён утрымлівае інфармацыю аб гісторыі і місіі Швейцарскай гвардыі, умовах уступлення ў яе шэрагі і патрабаваннях да патэнцыйных рэкрутаў.
Навабранцы змогуць спампаваць адсюль усе неабходныя бланкі і пазнаёміцца з раскладам падрыхтоўкі да службы. Сайт распавядае пра актуальныя навіны з жыцця Папскай швейцарскай гвардыі і ўтрымлівае спасылкі на яе старонкі ў сацыяльных сетках. Ён адаптаваны для прагляду з дапамогай мабільных інтэрнэт-прыладаў.
Сайт мае раздзел, адрасаваны былым папскім гвардзейцам, а таксама дае магчымасць дабрачынцам з дапамогай некалькіх клікаў рабіць ахвяранні на падтрыманне ватыканскай арміі.
Гвардзейцы выконваюць ганаровы абавязак аховы Папы і Апостальскага палацу, а таксама меж Дзяржавы Ватыкан. Афіцэры суправаджаюць Святога Айца ў замежных падарожжах. Асноўны склад Швейцарскай гвардыі, гэта рэкруты, якія праходзяць тэрміновую ваенную службу на працягу 26 месяцаў.