Пошук

Vatican News
Маладыя аўдытары падчас Сінода Біскупаў. Ілюстрацыйнае фота Маладыя аўдытары падчас Сінода Біскупаў. Ілюстрацыйнае фота 

Папская рада па культуры стварае групу маладых дарадчыкаў

Папская рада па культуры плануе стварэнне ў рамках сваёй структуры кансультацыйнай групы з удзелам маладых людзей. Аб гэтым гаворыцца ў заяве дыкастэрыі, апублікаванай 9 снежня 2019 г.

Да такога рашэння кіраўніцтва прыйшло пасля Сінода Біскупаў на тэму моладзі, які адбыўся ў Ватыкане ў кастрычніку 2018 г. Гэта спроба выкарыстоўваць розныя формы абмену думкамі на аснове дыялогу.

Ініцыятыва стала не першай. У 2015 г., у якасці эсперыменту, Папская рада заснавала 20-асабовую кансультацыйную групу жанчын. Трохгадовы мандат першага складу нядаўна скончыўся, новыя члены будуць абвешчаны ў бліжэйшы час.

З 2009 г. Папская рада па культуры, на чале якой стаіць кардынал Джанфранка Равазі, прапануе ініцыятыву “Падворак язычнікаў”, ініцыяваную Бэнэдыктам XVI, мэтай якой з’яўляецца дыялог Каталіцкага Касцёла з няверуючымі. Неўзабаве група навукоўцаў, якая сабралася вакол ініцыятывы, збіраецца выпусціць дакумент аб эканоміцы, дэмаграфіі і дэмакратыі.

Навіна ў фармаце аўдыё
10 студзеня 2019, 12:23