Cerca

Vatican News
Устаноўка ёлкі на плошчы св. Пятра Устаноўка ёлкі на плошчы св. Пятра 

Святочная ёлка ўстаноўлена на плошчы св. Пятра

22 лістапада 2018 г. раніцай на плошчы св. Пятра ў Ватыкане з дапамогай спецыяльнага крану была ўстаноўлена 21-метровая святочная ёлка. Гэта падарунак італьянскай дыяцэзіі Канкордыя-Пардэнонэ.

Упрыгажэннем дрэва зоймуцца тэхнічныя службы Губернатарату Дзяржавы Ватыкан у супрацоўніцтве з фірмай “Osram”, якая прапануе энергазахавальную сістэму асвятлення апошняга пакалення.

Дрэва стаіць побач з яслямі Божага Нараджэння, якія сёлета будуць выкананы з пяску. Традыцыя паходзіць з італьянскага Езоло, недалёка ад Венецыі. Кампазіцыя зойме плошчу 25 квадратных метраў; яе даўжыня складзе 16 метраў, вышыня – 5 метраў, глыбіня – 6 метраў.

Цырымонія інаўгурацыі ёлкі і ясляў запланавана на 7 снежня 2018 г. Кампазіцыя застанецца на ватыканскай плошчы да 13 студзеня 2019 г., да завяршэння літургічнага перыяду Божага Нараджэння.

Навіна ў фармаце аўдыё
22 лістапада 2018, 12:37